الماتى قالاسىنىڭ Visit Almaty تۋريستىك اقپاراتتىق ورتالىعى «الماتى 72» دەپ اتالاتىن جاڭا تۋريستىك باعدارلاما  جاساپ شىعاردى. بۇل باعدارلاما الماتىعا كەلگەن تۋريستەردىڭ 72 ساعاتقا نەمەسە ودان دا كوپ ۋاقىتقا دەيىن ساياحاتىنا ارنالعان.

الماتىعا كەلگەن ءاربىر ءتۋريستىڭ قولىنا امبەباپ ءتىزىم ۇسىنىلادى جانە ساياحات بارىسىندا 72 ساعات، ياعني 3 كۇن قالادا مىڭداعان ۇمتىلماس اسەر قالدىرادى. تىزىمگە الماتى قالاسىنىڭ باستى كورىكتى جەرلەرى كىرەدى. ولار: مەدەۋ مۇز ايدىنى، شىمبۇلاق شاڭعى ورتالىعى، كوك بازار، مۇراجايلار جانە ت.ب. تۋريستەرگە قازاقتىڭ ۇلتتىق  تاعامدارى مەن قاتار  الەمگە ايگىلى الماتى اپورتىنان ءدام تاتۋعا بولادى. نۇسقاۋلىق بارلىق شەتەلدىك تۋريستەردى 100% اقپاراتتاندىرۋ ءۇشىن شەكارالىق جانە كەدەندىك باقىلاۋدى ءوتۋ كەزىندە تۋريستەرگە ارنالعان ءتىزىم كورسەتىلگەن پاسپورتقا سالىنادى.

«الماتى 72» باعدارلاماسى  ءۇش تىلدە جارىق كورىپ، اۋەجايدا، تەمىرجول ستانتسيالارىندا، Visit Almaty اقپاراتتىق ستەندتەرىندە جانە ورتالىقتىڭ سەرىكتەستەرىنىڭ 40-تان استام نۇكتەلەرىندە تەگىن تاراتىلادى.

2018 جىلى Visit Almaty كومانداسى الماتىنى العا جىلجىتۋ ستراتەگياسىن جۇزەگە اسىرۋ جانە تۋريستەرگە ارنالعان بىرەگەي قالا ۇسىنىسىن ازىرلەۋ بويىنشا جۇمىسىن جالعاستىرادى.  حالىقارالىق كورمەلەر مەن روۋد-شوۋلارعا قاتىسۋ، كورپوراتيۆتىك سايتتىڭ نۇسقاسىن ىسكە قوسۋ سىندى بىرنەشە اۋقىمدى ءىس-شارا جوسپارلانعان.

“The Qazaq Times”