فوتو: RFI

سولتۇستىك كورەيا باسشىسى كيم جوڭ ۋن وڭتۇستىك كورەيا پرەزيدەنتى ءمۇن جايندى پيوڭياڭعا شاقىردى – دەپ حابارلايدى ۆۆس اقپارات اگەنتتىگى.

اگەنتتىك مالىمەتىنشە، اقپان ايىنىڭ 10-ى كۇنى وڭتۇستىك كورەيانىڭ پيوڭچاڭ قالاسىندا وتكەن كەزدەسۋدە كيم جوڭ ۋننىڭ قارىنداسى كيم ە چون ءمۇن جاينگە شاقىرۋ حاتىن تابىستاعان. حاتتا كيم جوڭ ۋن وڭتۇستىك كورەيا پرەزيدەنتىن جاقىن ۋاقىتتا پيوڭياڭعا رەسمي ءىس-ساپارمەن كەلۋگە ۇسىنىس جاساعان.

ەستەرىڭىزگە سالايىق، 10 اقپان كۇنى وڭتۇستىك كورەيا پرەزيدەنتى ءمۇن جاين كيم ە چون باستاعان سولتۇستىك كورەيا دەلەگاتسياسىن قابىلداعان بولاتىن. بۇل كورەي سوعىسىنان كەيىن جوعارى لاۋازىمدى ساياساتكەرلەردىڭ قاتىسۋىمەن بولعان العاشقى كەزدەسۋ جانە كيم جوڭ ۋن وتباسى مۇشەلەرىنىڭ وڭتۇستىك كورەياعا جاساعان تۇڭعىش رەسمي ءىس-ساپارى.

“The Qazaq Times”