وڭتۇستىك كورەيا پرەزيدەنتى مۋن جاين سولتۇستىك كورەيا باسشىسى كيم جوڭ ىننىڭ قارىنداسى كيم ە چونمەن كەزدەستى.

جەرگىلىكتى باق وكىلدەرىنىڭ مالىمەتىنشە، بۇگىن وڭتۇستىك كورەيا پرەزيدەنتى مۋن جاين سولتۇستىك كورەيا دەلەگاتسياسىن قابىلداعان. وندا ول كحدر جوعارى پرەزيديۋمىنىڭ توراعاسى كيم ەن نام مەن سولتۇستىك كورەيا باسشىسى كيم جوڭ ىننىڭ قارىنداسى كيم ە چونمەن كەزدەسكەن. بۇل كورەي سوعىسىنان كەيىن جوعارى لاۋازىمدى ساياساتكەرلەردىڭ قاتىسۋىمەن بولعان ەڭ العاشقى كەزدەسۋ جانە كيم جوڭ ىن وتباسى مۇشەلەرىنىڭ وڭتۇستىك كورەياعا جاساعان تۇڭعىش رەسمي ءىس-ساپارى.

ەستەرىڭىزگە سالايىق، بۇعان دەيىن باق بەتتەرىندە «وڭتۇستىك كورەيا پرەزيدەنتى مۋن جاين تۇسكى اس كەزىندە سولتۇستىك كورەيا دەلەگاتسياسى مەن اقش دەلەگاتسياسىن كەزدەستىرەدى» دەگەن اقپارات تاراعان بولاتىن.

“The Qazaq Times”