سولتۇستىك كورەيا وليمپيادا ويىندارى قارساڭىندا اسكەري شەرۋ وتكىزدى

سولتۇستىك كورەيا 2018 جىلعى قىسقى وليمپيادا ويىندارىنىڭ اشىلۋىنا ءبىر كۇن قالعاندا اسكەري شەرۋ وتكىزدى – دەپ حابارلايدى AFP اقپارات اگەنتتىگى.

اگەنتتىك مالىمەتىنشە، اقپان ايىنىڭ 8-ءى كۇنى سولتۇستىك كورەيا قارۋلى كۇشتەرى ەل استاناسى پيوڭياڭ قالاسىندا اسكەري شەرۋ وتكىزگەن. شەرۋگە 13 مىڭ سارباز بەن 50 مىڭعا جۋىق كورەرمەن قاتىسقان. بىراق رەسمي پيوڭياڭ اسكەري شەرۋ جونىندە ەشقانداي مالىمدەمە تاراتپاعان. سولتۇستىك كورەيا ورتالىق تەلەارناسى دا شەرۋ جونىندە ەشقانداي اقپارات تاراتپاعان. بيىل ءححىىى قىسقى وليمپيادا ويىندارىن وتكىزۋگە تاس-ءتۇيىن دايىن وتىرعان وڭتۇستىك كورەيا بيلىگى اتالمىش جاعدايعا بايلانىستى: «ءبىز كحدر قارۋلى كۇشتەرىنىڭ پيوڭياڭ قالاسىنىڭ «كيم ير سەن» اتىنداعى ورتالىق الاڭىندا اسكەري شەرۋ وتكىزگەنىن ەستىدىك» - دەگەن قىسقاشا عانا مالىمدەمە جاساعان.

ەستەرىڭىزگە سالايىق، بۇعان دەيىن كحدر وڭتۇستىك كورەيانىڭ پيوڭچاڭ قالاسىندا وتەتىن قىسقى وليمپيادا ويىندارىنا 200 جانكۇيەرىن جىبەرگەن جانە وليمپيادانىڭ اشىلۋ سالتاناتىنا كيم جوڭ ۋننىڭ كىشى قارىنداسى قاتىساتىنىن مالىمدەگەن.

“The Qazaq Times”