فوتو: Sputnik ۋزبەكيستان

شاۆكات ميرزيەەۆ ءتۇريا باسشىسى رەجەپ تايىپ ەردوعاندى وزبەكستانعا شاقىردى.

وزبەكستان پرەزيدەنت اكىمشىلىگىنىڭ ءباسپاسوز قىزمەتى تاراتقان مالىمەت بويىنشا، شاۆكات ميرزيەەۆ پەن رەجەپ تايىپ ەردوعان 7 اقپان كۇنى تەلەفون ارقىلى سويلەسكەن. سويلەسۋ بارىسىندا شاۆكات ميرزيەەۆ رەجەپ تايىپ ەردوعاندى تاشكەنت قالاسىندا ناۋرىز ايىنىڭ سوڭىندا وتەتىن «اۋعانستان – بەيبىتشىلىككە اپارار جول» حالىقارالىق كونفەرەنتسياسىنا قاتىسۋعا شاقىرعان. وزبەكستان پرەزيدەنتىنىڭ بۇل ۇسىنىسىنا رەجەپ تايىپ ەردوعان تۇركيادان اتالمىش كونفەرەنتسياعا جوعارى لاۋازىمدى تۇلعالاردان قۇرالعان دەلەگاتسيا باراتىنىن ايتقان.

ەستەرىڭىزگە سالايىق، وزبەكستان پرەزيدەنتى شاۆكات ميرزيەەۆ 2017 جىلى 25 قازان كۇنى اراعا 20 جىل سالىپ انكاراعا رەسمي ءىس-ساپارمەن بارعان بولاتىن. وندا ول تۇركيا باسشىسى رەجاپ تايىپ ەردوعانمەن كەزدەسىپ، جالپى قۇنى 3,5 ميلليارد دوللاردى قۇرايتىن قۇجاتقا قول قويدى.

“The Qazaq Times”