داعىستان ۇكىمەتى وتستاۆكاعا كەتتى

داعىستان ۇكىمەتى وتستاۆكاعا كەتتى – دەپ حابارلايدى نەمىس تولقىنى اقپارات اگەنتتىگى.

اقپان ايىنىڭ 5-ءسى كۇنى داعىستان پرەزيدەنتى ۆلاديمير ۆاسيلەۆ ەل ۇكىمەتىن تولىقتاي وتستاۆكاعا جىبەرگەن. جەرگىلىكتى باق وكىلدەرىنىڭ مالىمەتىنشە، ءدال وسى كۇنى رەسەي فەدەراتسياسىنىڭ تەرگەۋ كوميتەتى پرەمەر-مينيستر ابدۋساماد گاميدوۆ پەن ونىڭ ەكى ورىنباسارىن جانە ءبىلىم ءمينيسترىن تۇتقىنعا العان. تەكسەرۋ بارىسىندا گاميدوۆتىڭ ۇيىنەن التىن جالاتىلعان «تت» جانە «بەرەتتا» تاپانشالارى مەن كالاشنيكوۆ اۆتوماتى تابىلعان. قازىرگى تاڭدا پرەمەر-مينيستر مەن ونىڭ ورىنباسارلارىنا «اسا ءىرى كولەمدە قارجى جىمقىردى جانە الاياقتىقپەن اينالىستى» دەگەن ايىپ تاعىلعان.

داعىستاندا جاپپاي جەمقورلىققا قارسى كۇرەس بيلىك باسىنا ۆلاديمير ۆاسيلەۆ كەلگەننەن كەيىن باستالعان. ول 2017 جىلدىڭ جەلتوقسان ايىندا ۆلاديمير پۋتيننەن داعىستانعا تەكسەرۋ جۇمىستارىن جۇرگىزۋگە تاۋەلسىز 38 پروكۋرور مەن 40 ساراپشى جىبەرۋىن وتكىنگەن.

“The Qazaq Times”