ءازىربايجاننىڭ «ماڭگىلىك پرەزيدەنتى» مەرزىمىنەن بۇرىن پرەزيدەنت سايلاۋىن وتكىزبەك

ءساۋىر ايىنىڭ 11-ءى كۇنى ءازىربايجاندا مەرزىمىنەن بۇرىن پرەزيدەنت سايلاۋى وتەدى.

جەرگىلىكتى باق وكىلدەرىنىڭ مالىمەتىنشە، يلحام اليەۆ اقپان ايىنىڭ 5-ءى كۇنى  مەرزىمىنەن بۇرىن پرەزيدەنت سايلاۋىن وتكىزۋگە بايلانىستى قاۋلىعا قول قويعان. وندا  ول ورتالىق سايلاۋ كوميسسياسىنا پرەزيدەنت سايلاۋىن ءساۋىر ايىنىڭ 11-ىنە بەلگىلۋگە جانە سايلاۋعا دايىندىق جۇمىستارىن زاڭ اياسىندا جۇرگىزۋگە تاپسىرما بەرگەن.

ءبىر قىزىعى يلحام اليەۆ قول قويعان قاۋلىدا پرەزيدەنت سايلاۋى نە سەبەپتى مەرزىمىنەن بۇرىن وتكىزىلىپ جاتقاندىعى جونىندە ەشقانداي تۇسىنىكتەمە بەرمەگەن. زاڭ بويىنشا كەزەكتى پرەزيدەنت سايلاۋى 2018 جىلدىڭ قازان ايىندا ءوتۋى ءتيىس بولعان.

ەستەرىڭىزگە سالايىق، بۇعان دەيىن بيلىك باسىنداعى «جاڭا ءازىربايجان» پارتياسىنىڭ اتقارۋشى حاتشىسى ءالي احمەتوۆ الدا كەلە جاتقان پرەزيدەنت سايلاۋىنا پارتيا اتىنان قازىرگى پرەزيدەنت يلحام اليەۆ قاتىساتىنىن مالىمدەگەن. يلحام اليەۆ بيلىك باسىنا 2003 جىلى كەلگەن. ول سول ۋاقىتقا دەيىن 2008 جانە 2013 جىلدارى وتكەن پرەزيدەنت سايلاۋلارىنىڭ بارلىعىندا ايقىن باسىمدىقپەن جەڭىسكە جەتكەن. وسىدان كەيىن ءازىربايجان وپپوزيتسياسى مەن شەتەلدىك باق وكىلدەرى يلحام اليەۆكە  "ماڭگىلىك پرەزيدەنت" دەگەن اتاق بەرگەن.

“The Qazaq Times”