Фото: Oxu.az

Түркияда «Ислам мемлекеті» террорлық ұйымының ақпарат министрі тұтқындалды – деп хабарлайды Anadolu ақпарат агенттігі.

Агенттік мәліметінше, Түркия полициясы Анкара қаласында «Ислам мемлекеті» лаңкестік ұйымының ақпарат министрі Өмір Йетекті арнайы операция барысында тұтқындаған. Жергілікті құқық қорғау органдары таратқан ақпарат бойынша, Йетек осы уақытқа дейін «Ислам мемлекеті» террорлық ұйымының ақпарат саласын басқарған және ел аумағында болған бірнеше лаңкестік шабуылдарды ұйымдастырған.

Естеріңізге салайық, бұған дейін Түркия билігі қаңтар айында «Ислам мемлекеті» террорлық ұйымының ауыл шаруашылығы министрінің тұтқындалғаны жөнінде мәлімдеме таратқан болатын.

“The Qazaq Times”