سانا قالاسىنداعى قارۋلى كۇشتەر. فوتو: انادولى.

يەمەندەگى ساۋد ارابياسى باسقارعان كواليتسيانىڭ اۋە كۇشتەرى ەلدىڭ ورتالىق قالاسى ساناداعى حوۋسيتتەردىڭ ماڭىزدى نىساندارىن بومبالاعان. بۇل تۋرالى جەرگىلىكتى اقپارات كوزدەرىنە سىلتەمە جاساپ «انادولى» اقپارات اگەنتتىگىنىڭ رەسمي سايتى حابارلادى.

اۋە شابۋىلىندا سانا قالاسىنىڭ سولتۇستىگىنە ورنالاسقان حوۋسيت كۇشتەرى ءۇشىن ماڭىزدى بولعان دەيلەمي اۋە بازاسى نىساناعا الىنعان. حوۋسيت كۇشتەرى وزدەرىنە قاراستى تەلە ارنالار ارقىلى شابۋىلدى ايىپتادى. ولار اتالعان اۋە وپەراتسياسىن ساۋد ارابياسى مەن اقش-تىڭ بىرلەسكەن ارەكەتى دەپ مالىمدەگەن.

كەشە تاڭەرتەڭ بولعان اۋە شابۋىلى قاتارىنان  5 رەت جاسالعان. شابۋىلدان بولعان زارداپتار مەن شىعىندار تۋرالى ناقتى مالىمەت جوق.  

“The Qazaq Times”