Йемендегі Сауд Арабиясы басқарған коалицияның әуе күштері елдің орталық қаласы Санадағы хоуситтердің маңызды нысандарын бомбалаған. Бұл туралы жергілікті ақпарат көздеріне сілтеме жасап «Анадолы» ақпарат агенттігінің ресми сайты хабарлады.

Әуе шабуылында Сана қаласының солтүстігіне орналасқан хоусит күштері үшін маңызды болған Дейлеми әуе базасы нысанаға алынған. Хоусит күштері өздеріне қарасты теле арналар арқылы шабуылды айыптады. Олар аталған әуе операциясын Сауд Арабиясы мен АҚШ-тың бірлескен әрекеті деп мәлімдеген.

Кеше таңертең болған әуе шабуылы қатарынан  5 рет жасалған. Шабуылдан болған зардаптар мен шығындар туралы нақты мәлімет жоқ.  

“The Qazaq Times”