اقش پرەزيدەنتى دونالد ترامپ نوبەل سىيلىعىنا ۇسىنىلدى – دەپ حابارلايدى Voice of People اقپارات كوزى نورۆەگيا ينستيتۋتىنىڭ ديرەكتورى حەنريك ۋردالعا سىلتەمە جاساپ.

قاڭتار ايىنىڭ 31-ءى كۇنى حەنريك ۋردال باسىلىمعا بەرگەن سۇحباتىندا: «مەن اقش پرەزيدەنتى دونالد ترامپتى نوبەل سىيلىعىنا ۇمىتكەر رەتىندە ۇسىنىلعانىن راستايمىن. مەن ول ۇسىنىستىڭ ارتىندا كىم تۇرعانىن بىلمەيمىن. سەبەبى بۇل قۇپيا اقپارات. مەن تەك ونى امەريكالىق ازاماتتىڭ ۇسىنعانىن بىلەمىن. بۇل ادام ترامپتى وتكەن جىلى دا نوبەل سىيلىعىنا ۇسىنعان بولاتىن» - دەپ مالىمدەگەن.

Voice of People مالىمەتىنشە، دونالد ترامپ وسىمەن ءۇشىنشى رەت قاتارىنان «بەيبىتشىلىك ءۇشىن» نوميناتسياسى بويىنشا نوبەل سىيلىعىنا ۇسىنىلعان.

ەستەرىڭىزگە سالايىق، وسىدان بەرنەشە جىل بۇرىن ءبىزدىڭ ەلىمىزدە دە نۇرسۇلتان نازارباەۆتى نوبەل سىيلىعىنا ۇسىنۋعا بايلانىستى قىزۋ تالقىلاۋلار بولعان.

“The Qazaq Times”