سولتۇستىك قازاقستان وبلىسىندا «تسيفرلى قازاقستان» باعدارلاماسى اياسىندا 49 جوبا جۇزەگە اسادى. وبلىس اكىمى قۇمار اقساقالوۆتىڭ توراعالىمەن وتكەن سقو اكىمدىگىنىڭ وتىرىسىندا تسيفرلاندىرۋ باعدارلاماسىن جۇزەگە اسىرۋ اياسىندا اتقارىلىپ جاتقان ءىس-شارالار ماسەلەسى قارالدى، دەپ حابارلايدى اكىمدىكتىڭ ءباسپاسوز قىزمەتى. 

سقو اكىمىنىڭ ورىنباسارى ماديار قوجاحمەتتىڭ ايتۋىنشا، «ەسىل» وڭىرلىك دامۋ ورتالىعىندا تسيفرلاندىرۋ كەڭسەسى قۇرىلىپ، وعان بىلىكتى IT ماماندار شاقىرىلىپتى. «زەردە» حولدينگىمەن بىرلەسە وتىرا وبلىستا «QuickWins» فورماتىندا بيىل 49 جوبا جۇزەگە اسپاق. اتالمىش جوبالار وبلىستى تسيفرلاندىرۋ كونتسەپتسياسىنا ەنگىزىلدى، 8 باسىم باعىت انىقتالدى. بۇل اۋىل شارۋاشىلىعى، تۋريزم، جانە 6 باعىت قاۋىپسىزدىك، كولىك، تۇرعىن-ءۇي كوممۋنالدىق شارۋاشىلىعى، ءبىلىم، دەنساۋلىق ساقتاۋ جانە قالانى باسقارۋ باعىتتارى «Smart پەتروپاۆلوۆسك» كوپتسەپتسياسىنا ەندى.

«تسيفرلاندىرۋ باعدارلاماسىنا 49 جوبا ەندى. بۇل تەك باسى عانا، الدا ءالى كوپ جوبالار قوسىلادى. بۇل جۇمىسقا ورىنباسار ماديار قوجاحمەت جاۋاپتى. باسقارمالار جانە اكىمدىكتەرمەن بىرلەسە وتىرا جۇمىس جاساڭىزدار»، - دەدى ءوڭىر باسشىسى قۇمار اقساقالوۆ.

“The Qazaq Times”