ساۋد ارابياسىنىڭ تاق مۇراگەر حانزاداسى مۇحاممەد ەلدە جەمقورلىقا قارسى كۇرەس جۇرگىزۋدە. فوتو: WSJ.

اقپارات كوزدەرىنىڭ حابارىنا قاراعاندا، ميللياردتاعان دوللار قارجىنى قايتارماعانى ءۇشىن ساۋد ارابياسىنىڭ تاق مۇراگەر حانزاداسى ەلدەگى ەليتا مۇشەلەرىنە قىسىم كورسەتىپ، ءساندى قوناق ۇيلەرگە قاماۋعا العان نەمەسە قۋدالاۋعا ۇشىراتقان. بۇل تۋرالى «WSJ» باسىلىمى حابارلايدى.

ساۋد ارابياسى لاۋازىمدىلارىنىڭ ايتۋىنشا، ساۋد ارابياسىنىڭ تاق مۇراگەرى مۇحاممەد بين سالماننىڭ جۇرگىزىپ وتىرعان سىبايلاس-جەمقورلىققا قارسى كۇرەس ناۋقانىندا پاتشا اۋلەتىنىڭ 350 مۇشەسى جانە ءىرى بيزنەس وكىلدەرى ءۇي قاماۋىنا ۇستالعان. بۇل ادامداردىڭ باسىم كوبى تولەم تولەگەن، شامامەن 100 ملرد دوللار قارجى قايتارىلعان.

ساۋد پاتشالىعىنىڭ پروكۋراتۋرا تاراۋلارىنىڭ مالىمەتىنە قاراعاندا، 95 ادام ۇكىمەتكە تولەم تولەۋگە كەلىسىم بەرمەي وتىر، سوندىقتان كورولدىك ولاردى قۋدالاۋعا ءماجبۇر. ساۋد ارابياسىنىڭ لاۋازىمدىلارى بۇل ادامدارمەن كەلىسىمگە كەلۋگە ۇمىتكەر. ولار بۇل تۇلعالاردى سوتقا جونەلتكەننەن گورى، شامامەن 800 ملرد اقش دوللارى كولەمىندەگى قارجىنى ۇكىمەتكە قايتارعان كوبىرەك ءتيىمدى دەپ قارايدى.

دەگەنمەن، ساۋد ارابياسىنىڭ بايلارى ۇزاق ۋاقىتتان بەرى اكتيۆتەرىن شەتەل اسىرىپ ۇستاپ كەلگەن. ساۋد پاتشا ۇكىمەتى بۇل اكتيۆتەردى ەلىنە قايتارۋ ءۇشىن قۇقىقتىق تالاپتاردى كەمەلدەندىرىپ، اۋقىمدى قۇپيا قارجىعا قارسى كۇرەسۋگە تۋرا كەلەدى.

“The Qazaq Times”