فوتو: Dreamstime

2017 جىلى ساياحاتتاۋعا شىققان حالىقارىلىق تۋريستەردىڭ سانى 1,322 ملرد ادامعا جەتىپ، سوڭعى جەتى جىلداعى ەڭ جوعارعى كورسەتكىش بولدى. بۇل تۋرالى بۇۇ-نىڭ دۇنيەجۇزىلىك تۋريستىك اگەنتتىگىنىڭ (UNWTO) مالىمەتتەرىندە ايتىلدى.

سونىمەن ۇيىمنىڭ اقپاراتى بويىنشا، وتكەن جىلى ەۋروپاعا كەلگەن شەتەلدىك تۋريستەردىڭ سانى 2016 جىلعا (671 ملن ادام) قاراعاندا 8 پايىزعا كوپ بولعان. افريكادا كورسەتكىش 8 پايىزعا (62 ميلليوننان استام ادام) جوعارىلاعان. ال ازيا-تىنىق مۇحيتى ايماعىنداعى كورسەتكىش 6 پايىزعا (324 ملن-عا دەيىن), تاياۋ شىعىستا  5 پايىزعا (58 ملن ادامعا دەيىن), سولتۇستىك امەريكادا 3 پايىزعا ارتقان.

"حالىقارالىق تۋريستەردىڭ سانى كوبەيىپ جاتىر ءارى تۋريزم سەكتورى ەكونوميكا دامۋىنىڭ ماڭىزدى فاكتورى بولىپ وتىر", - دەيدى UNWTO-نىڭ باس حاتشىسى زۋراب پولوليكاشۆيلي.

تۋريزمدە مۇنداي وڭ وزگەرىستەردىڭ بولۋىنا جاھاندىق ەكونوميكانىڭ ءوسىمى، دامىعان جانە دامۋشى نارىقتاعى سۇرانىستىڭ تۇراقتىلىعى، سونداي-اق،  برازيليا مەن رەسەيدەگى بىرنەشە جىلدان بەرى ازايىپ قالعان تۋريزم شىعىندارىنىڭ قايتا قالپىنا كەلۋى اسەر ەتكەن.

وسىلايشا حالىقارالىق ۇيىم "2018 جىلى تۋريستەردىڭ سانى 4,5 پايىزعا كوبەيەدى" دەپ بولجاپ وتىر. مىسالى بولجام بويىنشا بيىل ەۋروپاعا ساياحاتتايتىن تۋريستەردىڭ سانى بىلتىرعى كورسەتكىشكە قاراعاندا 3,5-4,5 پايىزعا، ازيا-تىنىق مۇحيتى ەلدەرىندە - 5−6 پايىزعا، افريكادا  - 5-7 پايىزعا، تاياۋ شىعىستا - 4-6 پايىزعا، امەريكادا - 3,5-4,5 پايىزعا كوبەيۋى مۇمكىن.

“The Qazaq Times”