وزبەكستان ۇلتتىق قاۋىپسىزدىك قىزمەتىنىڭ باسشىسى رۋستام ينوياتوۆتىڭ بىرىككەن اراب امىرلىكتەرىنە 12 ميلليون دوللار قارجى سالعانى انىقتالدى – دەپ حابارلايدى فەرعانا اقاپارات اگەنتتىگى.

اگەنتتىك مالىمەتىنشە، رۋستام ينوياتوۆ 2017 جىلدىڭ ناۋرىز ايىنىڭ 22-ءسى كۇنى بىرىككەن اراب امىرلىكتەرىندە شەيح مانسۋر يبن زايد ءال-ناحايانمەن كەزدەسكەن. وزبەكستاننىڭ رەسمي باق وكىلدەرى تاراتقان اقپارات بويىنشا، ينوياتوۆ پەن ءال-ناحايان ەكى ەل اراسىنداعى ارىپتەستىكتى دامىتۋ جونىندە كەلىسسوزدەر جۇرگىزگەن.

بىراق OSI اشىق تەكسەرۋ (Open Source Investigation) جوباسىنىڭ وكىلدەرى رەسمي مالىمدەمەلەرمەن كەلىسپەيدى. ولاردىڭ ويىنشا، ينوياتوۆ مەملەكەتتىك قىزمەتىن پايدالانۋ ارقىلى ءوزىنىڭ دۋبايداعى بيزنەسىن باسقارىپ وتىر. ول ناۋرىز ايىندا بىرىككەن اراب امىرلىكتەرىندە شەيح مانسۋر يبن زايد ءال-ناحايانمەن رەسمي ەمەس كەزدەسۋ وتكىزگەن. اتالمىش كەزدەسۋدەن كەيىن 4 ايدان سوڭ 2017 جىلدىڭ تامىز ايىندا «Capital Engineering Consultancy» كومپانياسى دۋباي قالاسىنىڭ Jebel Ali Industrial-1 مەكەن-جايىندا قۇنى 12 ميلليون دوللارلىق بەس قاباتتى عيماراتتىڭ قۇرىلىسىن باستايتىندىعىن مالىمدەگەن. ال ول عيمارات رۋستام ينوياتوۆتىڭ كۇيەۋبالاسى باحتيار يرگاشەۆتىڭ اتىنا تىركەلگەن. بۇدان بولەك يرگاشەۆتىڭ ەسىمى رۋستام ينوياتوۆتىڭ ۇلى شاريف ينوياتوۆتىڭ اۆستريادا تىركەلگەن «بەنيف حاندەلس» كومپانياسىنىڭ قۇجاتتارىندا كومپانيا باسشىسىنىڭ بيزنەس ارىپتەسى رەتىندە كورسەتىلگەن.

“The Qazaq Times”