گرەكيادا مەديتسينا سالاسىنىڭ قىزمەتكەرلەرى ەڭبەك شارتتارىنىڭ ناشارلىعىنا، ۇكىمەتتىڭ اتالعان سالاداعى جۇيەسىنە نارازىلىق ءبىلدىرىپ ەرەۋىلگە شىقتى. ولار بۇل ەرەۋىلدى «ۇنسىزدىك ارقىلى نارازىلىق ءبىلدىرۋ» اكتسياسى رەتىندە وتكىزۋدە. بۇل تۋرالى «People» باسىلىمىنىڭ رەسمي سايتى حابارلادى.

ەل ورتالىعى افينادا ەرەۋىلشىلەردىڭ ۇكىمەتكە دەگەن نارازىلىق شاراسى 4 ساعاتقا سوزىلدى. دارىگەرلەر مەن اتالعان سالانىڭ وزگە قىزمەتكەرلەرى دەنساۋلىق ساقتاۋ مينيسترلىگىنىڭ عيماراتى الدىنا جينالىپ، دەنساۋلىق ساقتاۋ سالاسىنداعى قىزمەتكەرلەردىڭ جالاقىسى جانە ەڭبەك شارتتارى تۋرالى تالاپتارىن جەتكىزدى. نارازى توپ ەلدىڭ وزگە قالالارىندا دا نارازىلىق شارالارى تولىق كۇنگە ۇلاساتىنىن ايتتى.

ەو-نىڭ گرەكيا ەكونوميكاسىن قولداۋ باعدارلامالارى شەكتى دەڭگەيدە، ەلدەگى ۇزاق جىلعا سوزىلعان ەكونوميكالىق داعدارىس ءالى ءوز دەڭگەيىن ساقتاپ تۇر. ءبىر عانا مەديتسينا سالاسىندا عانا ەمەس، تۇتاس گرەكيا ەكونوميكاسى بۇرىنعى داعدارىس كۇيىنەن ءالى ەس جيا الماي كەلەدى.

 “The Qazaq Times”