سەيسەنبى كۇنى جاپونيادا وتكەن ترانس تىنىقمۇحيتتىق كەلىسىم (TPP) جونىندەگى كەڭەيتىلگەن وتىرىستا، اقش پرەزيدەنتى دونالد ترامپ قۇراما شتاتتاردىڭ ۇيىمنان شىعۋ شەشىمىن جاريالاعاننان كەيىن ءبىر جىل وتكەندە، ۇيىمعا مۇشە 11 ەل وكىلدەرى TPP-نىڭ جاڭا ساۋدا كەلىسىمىنە قول جەتكىزدى. بۇل تۋرالى «WSJ» باسىلىمى حابارلادى.

ۇيىمعا مۇشە 11 ەل وتكەن جىلى قاراشا ايىندا، ۆەتنام سامميتىندە كەلىسىمگە كەلگەن، الايدا، كانادانىڭ وپپوزيتسياسىنا بايلانىستى سوڭعى مينۋتتاردا كەلىسسوزدەر بۇزىلعان ەدى.

كەلىسسوزگە جاۋاپتى جاپونيانىڭ ەكونوميكا جانە ساۋدا ءۋازىرى ء(مينيسترى) توشيميتسۋ موتەگيدىڭ (Toshimitsu Motegi) ايتۋىنشا، مۇشە ەلدەردەن كەلگەن وكىلدەر سەيسەبى كۇنى توكيودا قايتالاي باس قوسىپ، كەلىسىمگە قول  قويۋ ءۇشىن سوڭعى كەدەرگىلەردى ءبىر جايلى ەتكەن. ونىڭ ايتۋىنشا، 8 ناۋرىزدا 11 ەلدىڭ وكىلى چيليدەگى وتىرىستا كەلىسىمگە قول قوياتىن بولادى.

وسىدان بۇرىنعى كەلىسسوز كەزىندە كانادا جاق ءوز ەلىنىڭ مادەني ونىمدەرىن ەركىن ساۋدا كەلىسىمىنەن قورعاۋ ءۇشىن كەلىسىمگە كىرگىزبەۋدى ءۇمىت ەتكەن ەدى. موتوگيدىڭ ايتۋىنشا، تاراپتار كەلىسىمگە قول جەتكىزۋ ءۇشىن، كانادامەن جەكەلەگەن كەلىسىمدەر جاساسۋعا كەلىسكەن. بىراق، كانادامەن جاساساتىن قوسىمشا كەلىسىم مازمۇندارى تۋرالى اشالاپ ايتىلمادى. بۇل كەلىسىمدەردىڭ مازمۇنى تۋرالى جۋرناليستەر سۇراعىنا كانادانىڭ ساۋدا وكىلدەرى جاۋاپ بەرمەگەن.

ترانس تىنىقمۇحيتتىق ساۋدا كەلىسىمىنە كەلۋدەن جارتى كۇن بۇرىن، ترامپ اكىمشىلىگى كۇن باتارەيالارى مەن كىر جۋعىش ماشينالارعا ارنالعان يمپورتتىق تاريفتەر تۋرالى جاريالادى. بۇل تاريفتىك جوسپارلار ترامپتىڭ سايلاۋ ناۋقانىنان بەرگى قاتاڭ ساۋدا ساياساتىن تاعى ءبىر رەت ايقىندادى.

“The Qazaq Times”