جاپونيا ۇكىمەتى ترامپتىڭ ۇسىنىسىن تويتارىپ تاستادى

جاپونيا ۇكىمەتى وتكەن جۇمادا، اقش پرەزيدەنتى دونالد ترامپتىڭ جاساعان ۇسىنىسىنان باس تارتتى. بۇدان بۇرىن ترامپ جاپونياعا ۆاليۋتا باعامىن شەڭگەلدەۋ ءۇشىن، اناعۇرلىم قاتاڭ باقىلاۋ شاراسىن قولدانۋىن، كەز كەلگەن ساۋدا كەلىسىمدەرىندە اقش ساۋدا تاپشىلىعىن قىسقارتۋ سىندى ۇسىنىس تاستاعان بولاتىن.

The Wall Street Journal باسىلىمىنىڭ ايتۋىنشا، جاپونيا ۇكىمەتى اقش-پەن ەركىن ساۋداداعى ەكىجاقتى كەلىسىمدەردى كەڭەيتۋى مۇمكىن ەكەن بىلدىرگەن. الايدا، ۆاليۋتا باعامىن شەڭگەلدەۋ ءتاسىلىن قولدانباق ەمەس. بۇل تۋرالى جاساعان ترامپتىڭ ۇسىنىسى جاپون ۇكىمەتى جاعىنان تويتارىسقا ۇشىرادى. ەسەسىنە TPP (ترانس-تىنىقمۇحيتتىق ساۋدا كەلىسىمى) شارتتارىن تولىقتاي ساقتايتىندىقتارىن ايتتى.

جاپونيا جوعارعى ۇكىمەتىنىڭ مالىمدەمەشىسى وتكەن جۇما دا جۋرناليستەردى قابىلداعاندا، جاپونيا مۇنداي ۇسىنىستارعا TPP-داعى كەلىسسوزدەر بارىسىندا تولىق جاۋاپ بەرەتىنىن ءبىلدىرى. جاپون ۇكىمەتى ءوز كوزقاراسىن اشىق ءبىلدىرىپ، تىنىقمۇحيتتىق ساۋدا ىنتىماقتاستىق كەلىسىمىندەگى بەلگىلەمەلەردى جالعاستى ساقتايتىندىعىن، اقش-پەن دە ەكىجاقتى كەڭەيتىلگەن ساۋدا كەلەسىمدەرىن جاساۋعا ازىرلىگىن ءبىلدىردى.

اۋد. قولتۋعان ءتاڭىرجار

“The Qazaq Times”