سوورونباي جەەنبەكوۆ رەسەيمەن اراداعى اسكەري-تەحنيكالىق ىنتىماقتاستىقتى دامىتۋعا بايلانىستى قۇجاتتى راتيفيكاتسيالاۋ تۋرالى زاڭ جوباسىنا قول قويدى – دەپ حابارلايدى قىرعىزستان پرەزيدەنت اكىمشىلىگىنىڭ ءباسپاسوز قىزمەتى.

اتالمىش زاڭ جوباسىن جوعارى كەڭەس دەپۋتاتتارى 21 جەلتوقسان كۇنى قابىلداعان. قىرعىزستان مەن رەسەي اراسىنداعى اسكەري-تەحنيكالىق ىنتىماقتاستىقتى دامىتۋعا بايلانىستى قۇجاتقا قوس تاراپ 2017 جىلدىڭ 20 ماۋسىم كۇنى قول قويعان.

جوعارىدا ايتىلعان رەسەي مەن قىرعىزستان اراسىنداعى اسكەري كەلىسىم قىرعىز قارۋلى كۇشتەرىن جوعارى ءتيىمدى پەرسپەكتيۆالىق قارۋ-جاراق جۇيەلەرىمەن قامتاماسىز ەتۋگە، ۇجىمدىق قاۋىپسىزدىك جۇيەلەرىنىڭ تەحنيكالىق قۇرامىن قالىپتاستىرۋعا، اسكەري ماقساتتاعى ونىمدەردى جەتكىزۋ مەحانيزمدەرىن جەتىلدىرۋگە باعىتتالعان. بۇدان بولەك اتالمىش زاڭ جوباسى قىرعىزستان قارۋلى كۇشتەرىنىڭ مۇمكىندىكتەرىن ارتتىرۋعا جانە اسكەري-قورعانىس ونەركاسىبىنىڭ رەسەي كاسىپورىندارىمەن بىرلەسىپ جۇمىس ىستەۋىنە سەپتىگىن تيگىزەدى.

“The Qazaq Times”