فوتو: joinup.ua

تۇركيانىڭ مەملەكەتتىك باسىلىمى كۇردتەرگە قارسى باستالعان اسكەري وپەراتسياعا نارازىلىق بىلدىرگەن 24 ادامنىڭ "تەرروريزمدى ناسيحاتتادى" دەگەن ايىپپەن ۇستالعانىن جازدى. وسىدان الدىن مەملەكەت باسشىسى رەدجەپ تايىپ ەردوعان سۇرياداعى كۇردتەردىڭ دەموكراتيالىق وداعى پارتياسىنىڭ قارۋلى اسكەرى YPG توبىنا قولداۋ بىلدىرگەن كەز كەلگەن ادام ۇكىمەتتىڭ قىرىنا ىلىگەتىنىن ەسكەرتكەن ەدى. بۇل تۋرالى AFP اقپاراتتىق اگەنتتىگى جازدى. 

تۇركياداعى دوعان اقپاراتتىق اگەنتتىگى جالپى سانى 57 ادامعا قارسى تەرگەۋ جۇمىستارى باستالعانىن جاريالادى. ولار تۇركيا تەرروريستىك ۇيىمدار تىزىمىنە ەنگىزگەن YPG اسكەري توبىنىڭ ارەكەتىن قولداپ، ول تۋرالى اقپارات تاراتقانى ءۇشىن ايىپتالىپ وتىر.  سونداي-اق، تۇرىك پوليتسياسى ستامبۋل مەن ديارباقىردا ۇيىمداستىرىلعان انكارانىڭ اسكەري وپەراتسياسىنا قارسى نارازىلىق شەرۋلەرىن بولدىرماي تاستادى.

“The Qazaq Times”