شىعىس ەۋروپالىق حاكەرلەر بانكوماتتاردى بۇلاعانى ءۇشىن تايۋاندا سوتتالدى

شىعىس ەۋروپالىق ءۇش ازامات تايۋاننىڭ تايبەي (تايۆان تايپەي) جانە ءتايجۇن قالالارىنداعى First Bank بانكوماتتارىنداعى 2,6 ملن دوللار اقشانى ۇرلاعانى ءۇشىن، بەس جىلعا باس بوستاندىعىنان ايىرىلدى، دەپ حابارلايدى بي-بي-ءسيدىڭ قىرعىز قىزمەتى.

اباقتىعا جابىلعاندار ليتۆيا ازاماتى اندرەيس پەرەگۋدوۆس، رۋمىنيالىق ميحايل كوليبابا جانە مولداۆيا ازاماتى نيكولاي پەنكوۆ. حاككەرلەر بانكوماتتاردى توناۋدا كومپيۋتەرلىك ۆيرۋس پروگراممالارىن قولدانعان.

تايۋان بيلىگىنىڭ مالىمەتىنە قاراعاندا وتكەن جىلدىڭ جاز ايلارىندا بانكتىڭ لوندونداعى بولىمشەنىڭ سەرۆەرىنە وسىنداي جول ارقىلى شابۋىل جاساعان. ولار 10 ءمينۋتتىڭ ىشىندە جالپى 34 بانكوماتتى تازالاپ ۇلكەن سوماداعى قاراجاتتى قوتارىپ كەتكەن.

بۇل ىسكە تاعى 19 ادام كۇدىككە ىلىنگەن. بولجام بويىنشا ولار قىلمىس جاساپ بولعاسىن تايۋاننان شىعىپ كەتكەن.

بۇنداي ءىرى سوماداعى اقشانى توناۋ وقيعاسى تايۋاندا ءبىرىنشى رەت تىركەلىپ وتىر. بۇل وقيعادان كەيىن ارالدا مىڭعا جۋىق بانكوماتقا ۋاقىتشا قۇرساۋ قويىلدى.

“The Qazaq Times”