2017 جىلى استانا - ششۋچينسك اقىلى جولىنان 1,5 ملرد تەڭگە جينالدى. بۇل تۋرالى "قازاۆتوجول" ۇلتتىق كومپانياسىنىڭ ءباسپاسوز قىزمەتىنەن حابارلاندى. 

جينالعان بارلىق قاراجات تولەم جۇيەسى قۇرالدارىن جاڭارتۋعا جانە جول قۇرىلىمىن رەتتەۋگە جىبەرىلگەن.

"2017 جىلى جالپى كولىك قوزعالىسىنىڭ سانى 2,7 ميلليوندى قۇرادى. 2016 جىلمەن سالىستىرعاندا كولىك اعىنى 2,2 پايىزعا وسكەن", - دەلىنگەن حابارلامادا.

ءباسپاسوز قىزمەتىنىڭ مالىمەتىنشە، 2017 جىلى اقىلى جولدا تولەم الۋ، دەرەكتەردى ساقتاۋ، جۇمىس ستانتسيالارى جۇيەسى جانە اۆتوكولىك قوزعالىسىنا قاتىستى فوتوسۋرەتتەردىڭ ساپاسى مەن سانىن رەتتەيتىن كوپفۋنكتسيونالدى قۇرىلعىلار جۇيەسى ورنالاستىرىلعان.

"الدىن الا تولەۋ قىزمەتىن ارتتىرۋ بويىنشا جۇمىس جالعاسۋدا. "تەڭگە" تولەم جۇيەسى بويىنشا كەلىسىم جاسالىپ، ونى ينتەگراتسيالاۋ ءساتتى اياقتالدى. سونداي-اق، ەۋروپا مەن رەسەي تەرريتورياسىىندا جۇمىس ىستەيتىن «E100» جانارماي كارتاسىن پايدالانۋ بويىنشا «E100 Central Asia» كومپانياسىمەن كەلىسىمگە قول قويىلدى، ولاردى ينتەگراتسيالاۋعا قاتىستى جۇمىس جۇرگىزىلۋدە", - دەلىنگەن ءباسپاسوز حابارلاماسىندا.

“The Qazaq Times”