قازاقستان تەرروريزمگە قارسى حالىقارالىق كواليتسيا قۇرۋدى ۇسىندى

قر سىرتقى ىستەر ءمينيسترى قايرات ءابدىراحمانوۆ بۇۇ-نىڭ نيۋ-يوركتەگى شتاب پاتەرىندە تەرروريزمنەن ازات الەمگە قول جەتكىزۋ جونىندەگى كودەكستىڭ العاشقى جوباسىن تانىستىردى. بۇل تۋرالى مينيسترلىكتىڭ ءباسپاسوز قىزمەتى حابارلادى.

قۇجاتتا كونترتەرروريزم بويىنشا  ارىپتەس ەلدەردىڭ حالىقارالىق كواليتسياسىن قۇرۋ جانە  2045 جىلعا قاراي بۇۇ-نىڭ 100 جىلدىعى قارساڭىندا تەرروريزمسىز بەيبىت ومىرگە قول جەتكىزۋ سىندى باستى ماقساتتار ايتىلعان.

جوبانى تانىستىرۋ جانە ونى تالقىلاۋ كەزىندە ۇيىمعا مۇشە 100-دەن اسا ەلدىڭ دەلەگاتسياسى (ونىڭ وتىزدان استامى بۇۇ-نىڭ تۇراقتى وكىلدەرى) قاتىسقان. وسىلايشا  بۇۇ قاۋىپسىزدىك كەڭەسىنىڭ وتىرىسىندا مەملەكەتتەر دەلەگاتسيالارى قازاقستاننىڭ باستاماسىن قولداپ، ونى تالقىلاۋدى جالعاستىرۋعا دايىن ەكەندەرىن ءبىلدىردى.

“The Qazaq Times”