فوتو: ca-portal.ru

2017 جىلدىڭ قاڭتار-قاراشا ايىندا قازاقستاننان 35,1 مىڭ ادام كەتكەن. ال 2016 جىلدىڭ ءدال وسى كەزەڭىندە كەتكەندەردىڭ سانى 32,5 مىڭ ادام بولعان. ياعني ەميگرانتتار سانى 8 پايىزعا وسكەن.

ال ميگرانتتار سانىنا كەلەر بولساق، 2016 جىلمەن سالىستىرعاندا (9,2 مىڭ ادام) 2017 جىلدىڭ قاڭتار-قاراشا ايىندا قازاقستانعا كەلۋشىلەر 21,2 پايىزعا ءوسىپ، 10,3 مىڭ ادامدى قۇراعان.ميگراتسيا ايىرماشىلىعى - 20,6 مىڭ ادام.

تاراعان اقپارات بويىنشا تمد ەلدەرىنەن قازاقستانعا تۇرعىلىقتى جەرى بويىنشا 10,3 مىڭ ادام كەلىپ، 31,4 مىڭ ادام كەتكەن. تمد-مەن بولعان ميگراتسيا ايىرماشىلىعى - 21,1 مىڭ ادام.

ال باسقا شەت ەلدەن كەلگەندەردىڭ سانى 4,1 مىڭ ادام بولسا، كەتكەندەردىڭ سانى 3,7 مىڭ ادام. ميگراتسيا سالدوسى - 467 ادام.

جالپى قازاقستاننان كەتەتىن ازاماتتاردىڭ سانى جىل سايىن ءوسىپ كەلەدى. ال ولاردىڭ كوپشىلىگى قانداي سەبەپپەن كەتكەنى بىزگە بەيمالىم. بىراق ولاردىڭ ەلدەن كەتۋى كوبىنە الەۋمەتتىك جاعداي مەن ءبىلىم ساپاسىنىڭ كورىنىسى بولۋى مۇمكىن.

“The Qazaq Times”