قازاقستاننىڭ حالىقارالىق رەزەرۆىنىڭ كولەمى ازايدى

قازاقستاننىڭ حالىقارالىق رەزەرۆتەرى 2017 جىلدىڭ قاراشا ايىمەن سالىستىرعاندا جەلتوقسان ايىندا 0,21%-عا كوبەيگەن. الايدا جىل باسىنان بەرى رەزەرۆ كولەمى 2,29%-عا ازايىپ، 88,838 ملرد دوللاردى قۇرادى، دەپ حابارلايدى قازاقپارات. 

ۇلتتىق بانكتىڭ مالىمەتىنشە، حالىقارالىق رەزەرۆتەردىڭ جالپى كولەمى جەلتوقسان ايىندا  0,14%-عا نەمەسە 31,115 ملرد دوللارعا دەيىن كوبەيگەن. ال تازا كولەمى 0,15%-عا نەمەسە 30,603 ملرد دوللارعا جەتكەن.

ۇلتتىق قور اكتيۆىنە كەلەر بولساق، 0,26%-عا كوبەيىپ (جىل باسىنان بەرى 5,71%-عا ازايعان) 57,723 ملرد تەڭگەنى قۇرادى. ەركىن ايىرباستالاتىن ۆاليۋتاداعى اكتيۆتەر كولەمى وتكەن ايدا (2017 جىلدىڭ باسىنان باستاپ - 7,35%-عا ازايعان) 1,42% -عا تومەندەپ، 18,617 ملرد دوللاردى قۇرادى. التىن تۇرىندەگى اكتيۆتەردىڭ كولەمى 2,55% -عا (+ 29,96%), 12,498 ملرد دوللارعا دەيىن ءوستى.

“The Qazaq Times”