پولشا پرەزيدەنتى لەح كاچينسكيدىڭ ۇشاعى بورتتا بولعان جارىلىس سالدارىنان اپاتقا ۇشىراعان.

پولشا قورعانىس مينيسترلىگىنىڭ اۋە اپاتتارىن قايتا تەكسەرۋ جونىندەگى كوميسسياسىنىڭ مۇشەسى، حالىقارالىق ساراپشىسى فرەنك تەيلوردىڭ ويىنشا، كاچينسكي مىنگەن تۋ-154 ۇشاعى بورتتا بولعان جارىلىس سالدارىنان اپاتقا ۇشىراعان. تەيلوردىڭ ۇشاق ەسىگىنىڭ سوققىعا اسەر ەتۋ مەحانيزىمىنە جاساعان تالداۋلارى ناتيجەسىندە پرەزيدەنت لاينەرىندە ءبىر عانا جارىلىس بولماعاندىعى انىقتالعان. تەكسەرۋ جۇمىستارىنىڭ قورىتىندىسى بويىنشا، كاچينسكي ۇشاعىنىڭ بورتىندا ءبىر ۋاقىتتا ءۇش بىردەي جارىلىس بولعانى انىقتالعان.

ەستەرىڭىزگە سالايىق، 2010 جىلى ءساۋىر ايىنىڭ 10-ى كۇنى رەسەيدىڭ سمولەنسك قالاسى تۇبىندە پولشا پرەزيدەنتى لەح كاچينسكي مىنگەن تۋ-154 ۇشاعى اپاتقا ۇشىراعان. سالدارىنان ۇشاق بورتىندا بولعان 96 ادامنىڭ بارلىعى وقيعا ورنىندا كوز جۇمعان. بۇل كەيىننەن حالىقارالىق داۋ تۋعىزىپ، وقيعاعا قاتىستى تاراپتاردىڭ كوزقاراسى ەكىگە جارىلعان. ءبىرى پرەزيدەنت ۇشاعىنىڭ اپاتقا ۇشىراۋىنا رەسەي كىنالى دەسە، ەندى ءبىرى اپات ۇشاقتىڭ تەحنيكالىق اقاۋلارى سالدارىنان بولدى دەپ ەسەپتەيدى.

“The Qazaq Times”