شەتەلدىك باق كلينتونعا قاتىستى تەرگەۋ باستالعانىن حابارلادى

اقش-تىڭ فەدەرالدى تەرگەۋ بيۋروسى (FBI) پرەزيدەنتتىككە ۇمىتكەر بولعان حيللاري كلينتوننىڭ Clinton Foundation قايىرىمدىلىق قورىنا قاتىستى جاڭا تەرگەۋ جۇمىستارىن باستاعان. بۇل تۋرالى قۇقىق قورعاۋ ورگاندارىنا سىلتەمە جاساپ، Hill اگەنتتىگى حابارلاپ وتىر. 

اقپاراتقا سەنسەك، تەرگەۋشىلەردى كلينتون مەملەكەتتىك دەپارتامەنتتى باسقارىپ وتىرعاندا قوردىڭ جۇمىسى قالاي جۇرگىزىلگەنى قىزىقتىرعان كورىنەدى. FBI قايىرىمدىلىق قورىنىڭ «دونورلارى» قايىرىمدىلىق كومەك كورسەتىلگەننەن كەيىن دە مەملەكەتتەن كومەك الدى ما، جوق پا سونى تەكسەرمەك. سونداي-اق، ۇيىمنىڭ سالىق زاڭناماسىنا سايكەستىگى قارالماق.

ال بۇل تەكسەرۋ جۇمىستارىنا قاتىستى ازىرگە Clinton Foundation مەن حيللاري كلينتوننىڭ وكىلدەرى رەسمي جاۋاپ بەرمەگەن.

كلينتون مەملەكەتتىك حاتشى بولعان كەزىندە ءوزىنىڭ جەكە پوشتا سەرۆەرى ارقىلى رەسمي حاتتار الماسقان. 2015-2016 جىلدارى FBI وسىعان بايلانىستى دا قۇپيا اقپاراتتار بولۋى مۇمكىن ەكەنىن العا تارتىپ تەرگەۋ جۇرگىزەدى. الايدا تەرگەۋ بيۋروسى كلينتونعا قاتىستى ەشقانداي قىلمىستىق ءىس-ارەكەتتەردى تاپپاعان.

“The Qazaq Times”