اقش-تىڭ فەدەرالدى بارلاۋ قىزمەتى رەسەي وليگارحىنا تيەسىلى ءۇي-جايلارعا ءتىنتۋ جۇرگىزدى. رەسەي پرەزيدەنتى پۋتينمەن بايلانىستى بار دەگەن ميللياردەر ولەگ دەريپاسكا 2018 جىلدان بەرى اقش سانكتسياسىنا ىلىنگەن بولاتىن.
دەريپاسكانىڭ رەسمي وكىلى اقپارات قۇرالدارىنا بەرگەن مالىمەتىندە، ميللياردەردىڭ جاقىندارى يەلىك ەتەتىن ۋاشينگتون مەن نيۋ-يوركتەگى ەكى ۇيگە ءتىنتۋ جۇرگىزگەن. فبق قىزمەتكەرلەرى بۇل ءۇشىن سوت شىعارعان وردەردىڭ بار ەكەنىن دە كورسەتكەن. بارلاۋ قىزمەتكەرلەرىنىڭ دەريپاسكاعا تيەسىلى دەلىنگەن ۋاشينگتونداعى ۇيدەن قوراپتاردى كوتەرىپ شىعىپ جاتقان سۋرەتتەرى اقپارات قۇرالدارىنا تارادى.
قازىرشە FBI تارابى ءتىنتۋ ىستەرىنىڭ نە سەبەپتى جۇرگىزىلگەنى تۋرالى انىق مالىمەت تاراتقان جوق. اگەنتتىك وكىلى تەك بارلىق ىستەردىڭ زاڭ شەڭبەرىندە اتقارىلىپ جاتقانىن عانا ايتقان.
اقش قازىنا دەپارتامەنتى 2018 جىلى رەسەيلىك بىرقاتار قالتالىلار مەن رەسمي تۇلعالاردىڭ اقش-تاعى اكتيۆتەرىنە سانكتسيا سالعان بولاتىن. سونىڭ قاتارىندا ولەگ دەريپاسكا دا بار. بۇل رەسەيدى 2016 جىلعى اقش-تاعى پرەزيدەنت سايلاۋعا ارالاستى دەگەن ايىپتان كەيىن شىعارىلعان شەشىم بولاتىن. الايدا، ماسكەۋ تارابى بۇل ايىپتى جوققا شىعارادى.
رەسەيلىك وليگارح دەرپاسكا بيىل 53 جاستا. ونىڭ 1990 جىلدارى مەتالل ساۋداسىمەن بايىعان دەريپاسكا 1997 جىلى رەسەيدەگى ەڭ ءىرى «بازالىق ەلەمەنت گرۋپتىڭ» نەگىزىن قالاۋشى. رەسەي پرەزيدەنتى ۆلاديمير پۋتينمەن تىعىز بايلانىستا دەلىنگەن وليگارحتىڭ پرەزيدەنت ترمپتىڭ سايلاۋالدى توبىنا جەتەكشىلىك ەتكەن پول مانافورتپەن دە بايلانىسىنىڭ تىعىز ەكەنى انىقتالعان.
ەڭ قىزىعى، پرەزيدەنت ترامپ قىزمەتكە كىرىسىپ ءبىر جىل وتكەندە دەريپاسكاعا بايلانىستى ءۇش كاسىپورىن سانكتسيا تىزىمىنەن شىعارىلعان. ال، ونىمەن بايلانىسى بار دەلىنگەن پول مانافورت الدامشىلىقپەن ايىپتالعان بولسا دا ترامپ قىزمەتىنەن كەتەر الدىندا كەشىرىم بەرگەن.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟