NASA 2018 جىلى 18 ءىرى جوبانى جۇزەگە اسىرماق

NASA جاقىندا 2018 جىلدىڭ باستى مىندەتتەرىنىڭ ءتىزىمىن ۆيدەو ارقىلى جاريا ەتتى. جالپى جوسپاردا ىسكە اسىرىلۋعا ءتيىستى 18 جوبانى كورسەتىلدى. ونىڭ ىشىندە «Mars Landing Probe»-تى جانە جات جۇلدىزداردى بارلاۋشى سپۋتنيكتەردى ىسكە قوسۋ، سونىمەن بىرگە، عارىشتى تەرەڭىرەك زەرتتەۋدى ىلگەرىلەتۋ قاتارلى ماڭىزدى جوبالار دا بار. بۇل تۋرالى «شينحۋا» اقپاراتتىق اگەنتتىگىنىڭ رەسمي سايتى حابارلادى.

ءبىرىنشى كەزەكتە NASA-نىڭ مىندەتى اقش-تىڭ مارس بارلاۋ ميسسياسىنىڭ العاشقى قادامىن جاساۋ. ايتالىق، «ينسايت» اتتى ادامسىز قوندىرعىلاردىڭ دەتەكتورى مامىر ايىندا عارىشقا ۇشىرىلادى دا، قاراشا ايىندا جەرگە ورالادى. ونىڭ بارلاۋعا ارنالعان ارنايى قۇرىلعىسى كەڭىستىكتەن مارستى تەرەڭىرەك زەرتتەۋگە جىبەرىلەدى.

NASA-نىڭ جوسپارداعى ەكىنشى قادامى – اقش كوممەرتسيالىق كومپانيالارى ارقىلى امەريكالىق عارىشكەرلەر عارىشقا جىبەرىلەدى. دەگەنمەن، ساراپشىلاردىڭ پىكىرىنە قاراعاندا عارىشكەرلەردى ۇشىرۋ 2019 جىلعا نەمەسە 2020 جىلعا دەيىن كەشىكتىرىلۋى مۇمكىن ەكەن.

ءۇشىنشى قادامى – اقش-تىڭ «Osiris-Rex» اتتى زىمىران تاسىعىشى تامىز ايىندا بەنۋ اتتى استەرويدكە جەتەدى. بەنۋ جاس شاماسى كۇن جۇيەسىمەن قارايلاس ەجەلگى استەرويدتىڭ ءبىرى. عالىمداردىڭ ەسەبى بويىنشا ول XXII عاسىردىڭ سوڭىندا جەر شارىنا سوعىلۋى مۇمكىن ەكەن.

ءتورتىنشى مىندەتى – پلانەتارلىق عارىشتىق سەرىك سپۋتنيگىن (TESS) ىسكە قوسۋ. سول ارقىلى تۇراقتى جۇلدىزدار ماڭىنداعى پلانەتالاردى ىزدەپ تابادى.

بەسىنشى قادامى – «Parker» كۇندى باقىلاۋشى دەتەكتورىن ىسكە قوسۋ. بۇل باقىلاۋ قۇرىلعىسى ارقىلى ادامزات كۇندى ەڭ جاقىن قاشىقتىقتان باقىلايتىن بولادى.

التىنشى قادامدا، ادامداردى ايعا جانە ودان تىس جەرگە جىبەرۋ ءۇشىن جانە ولاردى قاۋىپسىز جەرگە قايتارۋ ءۇشىن ۇلكەن عارىشتىق زىمىران مەن «وريون» عارىش اپپاراتىن دامىتۋدى جالعاستىرۋ.

جەتىنشى قالام – اقش عارىشتىق تەلەسكوپتارىنىڭ كەلەسى ۇرپاعىن «James Webb» عارىشتىق تەلەسكوبىن ىسكە قوسۋ.

سەگىزىنشى جوباسى – حالىقارالىق عارىش ستانتسياسىنىڭ جوباسىن ىلگەرىلەتۋدى جالعاستىرۋ.

توعىزىنشى جوباسى – كوممەرتسيالىق كومپانيالارىمەن سەلبەسە وتىرىپ، جات جۇلدىزداردى مەكەندەۋ تەحنولوگياسىن دامىتۋدى قولعا الۋ.

بۇل اتالعانداردان وزگە توعىز جوبا بولسا – جەردىڭ ديناميكاسىن ناقتى ۋاقىت رەجيمىندە باقىلاۋ; عارىشتان جەردەگى سۋ رەسۋرستارىن باقىلاۋ; «مۇز، بۇلت جانە جەر قىرتىسىن باقىلاۋشى II» سپۋتنيكتى ىسكە قوسۋ; ءتيىمدى جانە ەكولوگيالىق تازا ەلەكتر ۇشاقتارىن سىناقتان وتكىزۋ; دىبىستان جىلدام جانە دىبىسسىز ۇشاقتاردى دامىتۋدى ىلگەرىلەتۋ; قورشاعان ورتاعا زيانسىز وتىنداردى ءوندىرۋ; عارىشتىق ناۆيگاتسيا مۇمكىندىكتەرىن قامتاماسىز ەتۋگە باعىتتالعان «عارىشتىق اتومدىق عارىشتىق ساعات» جوباسىن دامىتۋ جانە كۇن نۇرىنان ەنەرگيا قابىلدايتىن تەحنولوگيالار ارقىلى NASA-نىڭ 60 جىلدىعىن اتاپ ءوتۋ.

NASA-نىڭ جاريالاعان ۆيدەو مالىمەتىندە، بۇل 18 ءىس-شارا اقش-تىڭ عارىشتى زەرتتەۋ جانە عىلىمي اشۋ بويىنشا كوشباسشىلىق ۇستانىمىن ساقتاپ قالادى دەلىنگەن.

“The Qazaq Times”