فوتو: ۆەدوموستي

قازاقستان 2018 جىلى دا رەسەيدەن كەلەتىن كولىكتەرگە تىيىم سالۋ تۋرالى شەشىمىن كۇشىندە قالدىرادى. بۇل تۋرالى "كولەسا" پورتالى حابارلادى. 

سايتتىڭ مالىمەتىنشە، سوڭعى كەزدەرى  الەۋمەتتىك جەلىلەردە 2018 جىلدىڭ 1 قاڭتارىنان باستاپ ەۋرازيالىق ەكونوميكالىق وداقتىڭ كەدەن كودەكسى ءوز كۇشىنە ەنگەننەن كەيىن رەسەي جانە باسقا ەلدەردەگى كولىكتەردى ەكولوگيالىق كلاسى مەن ءتۇرلى تالاپتارعا قاراماستان  قازاقستانعا اكەلۋگە بولاتىنى تۋرالى قاۋەسەت تاراعان.

2015 جىلدىڭ 1 قاڭتارىندا ەۋرازيالىق وداقتان كەلەتىن كولىكتەرگە سالىناتىن قوسىمشا قۇن سالىعى شەتتەتىلگەننەن كەيىن جانە  "كولىك قۇرالدارىنىڭ قاۋىپسىزدىگى" تۋرالى كەدەندىك وداقتىڭ تەحنيكالىق رەگلامەنتى ىسكە قوسىلعان سوڭ رەسەيدەن كەلەتىن كولىكتەر سانى كوبەيىپ، قازاقستاننىڭ اۆتوسالوندارىندا كولىك ساتىلىمى ازايىپ كەتكەن.

مىنە، وسىدان كەيىن قر ينۆەستيتسيالار جانە دامۋ مينيسترلىگى وتاندىق كولىك ءوندىرىسىن ساقتاپ قالۋ ماقساتىندا "قازاقستان رەسپۋبليكاسىنىڭ اۆتوموبيل جولدارىمەن جۇرۋگە ارنالعان اۆتوكولىك قۇرالدارىنىڭ جول بەرىلەتىن پارامەترلەرىن بەكىتۋ تۋرالى" №342 بۇيرىعىن شىعاردى.

قۇجات بويىنشا ەۆرو-4 ەكولوگيالىق ستاندارتىنان تومەن كلاستاعى كولىكتەردى  جانە بۇعاتتاۋعا قارسى تەجەۋ جۇيەسى، قاۋىپسىزدىك جاستىعى، ىSوعىح بەكىتۋ جۇيەسى قۇرىلعىلارىمەن قامتاماسىز ەتىلمەگەن كولىكتەردى قازاقستانعا اكەلۋگە تىيىم سالىنعان. وسى سەبەپتى دە ەاەو-نىڭ كەدەندىك كودەكسى قابىلدانعاننان كەيىن دە رەسەيدەن كولىك اكەلۋگە قاتىستى ەشقانداي وزگەرىس بولمايدى.

وسىلايشا پورتال "بۇل ماسەلە زاڭ قايتا تالقىلانبايىنشا جابىق بولىپ قالادى دەۋگە بولادى" دەپ مالىمدەپ وتىر.

“The Qazaq Times”