يەمەن ساۋد ارابياسىنىڭ ورتالىق قالاسىنا تاعى ءبىر زىمىران اتتى

ساۋد ارابياسى تەلەارنالارىنىڭ تاراتقان حابارىنا قاراعاندا، ساۋد ارابياسىنىڭ اۋە قورعانىس كۇشتەرى يەمەننەن ەر-ريادقا اتىلعان تاعى ءبىر زىمىراندى كەڭىستىكتە اتىپ قۇلاتقان. بۇل ەكى اي ىشىندە يەمەننەن ساۋد ارابياسىنا باعىتتالعان ەكىنشى زىمىران شابۋىلى. بۇل تۋرالى «WSJ» باسىلىمى حابارلادى.

حۋسيت ۇيىمىنا قاراستى Almasirah تەلەارناسىنىڭ حابارىندا اتالعان ۇيىم ساۋد ارابياسىنىڭ ورتالىق قاراسىنا باعىتتاعان «ۆۋلكان H2» زىمىرانىن ىسكە قوسقانى ايتىلعان. زىمىران ءال-ياماماح سارايىن نىساناعا العان.

بۇل زىمىران شابۋىلى پارسى شىعاناعىنىڭ ەكى جاعالاۋىنداعى يران مەن ساۋد ارابياسىنىڭ اراسىنداعى شيەلەنىستى ءتىپتى دە كۇشەيتە ءتۇستى. ساۋد ارابياسى مەن يران – ورتا شىعىستا ىقپالىن ارتتىرۋعا قاتار قۇلشىنىپ وتىرعان باقتالاس ەلدەر. يەمەندەگى ازاماتتىق سوعىستا قارسىلاس ەكى كۇشتى قولداعان يران مەن ساۋد ارابياسى ەكىجاقتى قارىم-قاتىناسى بارعان سايىن سالقىنداپ، اشىق جاۋلىققا اينالىپ بارادى.

“The Qazaq Times”