Эр-Риядқа атылған зымыран. Фото: WSJ.

Сауд Арабиясы телеарналарының таратқан хабарына қарағанда, Сауд Арабиясының әуе қорғаныс күштері Йеменнен Эр-Риядқа атылған тағы бір зымыранды кеңістікте атып құлатқан. Бұл екі ай ішінде Йеменнен Сауд Арабиясына бағытталған екінші зымыран шабуылы. Бұл туралы «WSJ» басылымы хабарлады.

Хусит ұйымына қарасты Almasirah телеарнасының хабарында аталған ұйым Сауд Арабиясының орталық қарасына бағыттаған «Вулкан H2» зымыранын іске қосқаны айтылған. Зымыран әл-Ямамах сарайын нысанаға алған.

Бұл зымыран шабуылы Парсы Шығанағының екі жағалауындағы Иран мен Сауд Арабиясының арасындағы шиеленісті тіпті де күшейте түсті. Сауд Арабиясы мен Иран – Орта Шығыста ықпалын арттыруға қатар құлшынып отырған бақталас елдер. Йемендегі азаматтық соғыста қарсылас екі күшті қолдаған Иран мен Сауд Арабиясы екіжақты қарым-қатынасы барған сайын салқындап, ашық жаулыққа айналып барады.

“The Qazaq Times”