تۇركيا پرەزيدەنتى رەجەپ تايىپ ەردوعان «ءبىز يەرۋساليمدە ەلشىلىگىمىزدى اشامىز» - دەپ مالىمدەدى.

Hurriyet Daily News حابارلاۋىنشا، جاقىندا رەجەپ تايىپ ەردوعان يەرۋساليم ماسەلەسىنە بايلانىستى جۋرناليستەر الدىندا ءسوز سويلەگەن. ول وندا: «ءبىز شىعىس يەرۋساليمدى پاليستينا استاناسى دەپ مويىندادىق. بىراق ءبىز ول جەرگە ءالى ەلشىلىگىمىزدى اشقان جوقپىز. سەبەبى يەرۋساليم قازىر وككۋپاتسيالانعان. الايدا ءبىز الداعى ۋاقىتتا اللانىڭ قولداۋىمەن شىعىس يەرۋساليمدە ەلشىلىگىمىزدى اشامىز» - دەگەن.

ەستەرىڭىزگە سالايىق، جەلتوقسان ايىنىڭ 6-سى كۇنى اقش پرەزيدەنتى دونالد ترامپ يەرۋساليم قالاسىن يزرايل استاناسى دەپ مويىنداپ، امەريكا باس ەلشىلىگىن تەل-اۆيۆ قالاسىنان يەرۋساليمگە كوشىرۋگە شەشىم شىعارعان بولاتىن.

“The Qazaq Times”