16 جەلتوقسان - قازاقستان رەسپۋبليكاسىنىڭ تاۋەلسىزدىك كۇنى. سەبەبى  1991 جىلى 16-جەلتوقساندا قازاقستاننىڭ جوعارعى كەڭەسى “تاۋەلسىزدىك پەن مەملەكەتتىڭ ەگەمەندىگى تۋرالى” زاڭدى قابىلداپ، رەسپۋبليكا ءوزىنىڭ تاۋەلسىزدىگىن جاريالادى.

تاۋەلسىزدىك - بۇل كەز كەلگەن مەملەكەتتىڭ زور مارتەبەسى. ال قازاقستاننىڭ سول مارتەبەگە يە بولعانىنا، مىنە بۇگىن 26 جىل تولىپ وتىر. بۇل كۇندى قازاق حالقى جۇرەگىمەن سەزىنۋى كەرەك. وسى تاۋەلسىزدىك تۋىنىڭ جەلبىرەۋىنە ىقپال ەتكەن 1986 جىلدىڭ جاستارى ءار قازاقتىڭ جۇرەگىندە بولۋعا ءتيىس. ەندەشە وسىنداي اتا-بابا قانىمەن كەلگەن، ەگەمەن ەلدىڭ تول مەرەكەسى تاۋەلسىزدىك كۇنى قۇتتى بولسىن دەيمىز. قازاقستاننىڭ ەگەمەندىگى، ەركىندىگى، ازاتتىعى جاساي بەرسىن. تاۋەلسىزدىكتىڭ تۋى قۇلاماسىن!!!

“The Qazaq Times”