رەسەيدە پرەزيدەنت سايلاۋى قاي كۇنى وتەتىنى بەلگىلى بولدى – دەپ حابارلايدى ينتەرفاكس اقپارات اگەنتتىگى.

ريا نوۆوستي اگەنتتىگىنىڭ مالىمەتىنشە، بۇگىن فەدەراتسيا كەڭەسى 2018 جىلى وتەتىن پرەزيدەنت سايلاۋىن ناۋرىز ايىنىڭ 18-ءى كۇنىنە بەلگىلەۋگە بايلانىستى قاۋلى قابىلداعان. اتالمىش قاۋلى زاڭدىق كۇشىنە جەلتوقسان ايىنىڭ 18-ءى كۇنى ەنەتىن بولادى. وسىدان كەيىن سايلاۋعا ءتۇسۋشى بارلىق كانديداتتارعا ۇگىت-ناسيحات جۇمىستارىن جۇرگىزۋگە رۇقسات بەرىلەدى.

قازىرگى تاڭدا 2018 جىلى وتەتىن پرەزيدەنت سايلاۋىنا قاتىسۋعا لدپر پارتياسىنىڭ جەتەكشىسى ۆلاديمير جيرينوۆسكي، وپپوزيتسيالىق ساياساتكەر الەكسەي ناۆالنىي، گريگوري ياۆلينسكي، كسەنيا سوبچاك، كاسىپكەر سەرگەي پولونسكي جانە ەكاتەرينا گوردون قۇجاتتارىن تاپسىرعان. ونىڭ ىشىندە ورتالىق سايلاۋ كوميسسياسىنىڭ سوزىنشە،  الەكسەي ناۆالنىي ءىستى بولعانىنا بايلانىستى سايلاۋعا قاتىسا المايدى. ال رەسەيدىڭ قازىرگى پرەزيدەنتى ۆلاديمير پۋتين ءوزىنىڭ سايلاۋعا قاتىساتىنى جايىندا وتكەن اپتادا مالىمدەگەن بولاتىن.

“The Qazaq Times”