قىتاي باسشىسى وڭتۇستىك كورەيا پرەزيدەنتىنە ىستىق ىقىلاس تانىتپاق

قىتاي باسشىسى شي ءجينپيڭنىڭ شاقىرۋىمەن، 13-16 جەلتوقسان كۇندەرى وڭتۇستىك كورەيانىڭ پرەزيدەنتى ءمۇن جاين بەيجىڭگە ساپارلاي بارادى. بۇل ەكى ەلدىڭ سىرتقى ساياساتىندا، ديپلوماتيالىق قاتىناسىندا، اسىرەسە كورەي تۇبەگى قايشىلىعىندا ەرەكشە ماڭىزدى بار رەسمي ساپار بولادى دەپ كۇتىلۋدە. بۇل تۋرالى سول ەلدىڭ رەسمي اقپارات اگەنتتىگى «شينحۋانىڭ» سايتىندا حابارلاندى.

قىتاي ءسىم مالىمدەمەشىسى لۋ كاڭنىڭ ايتۋىنشا، قىتاي جاق كورەيا پرەزيدەنتىن كۇتىپ الۋ دايىندىعىن اياقتاپ، كەزدەسۋ كۇن ءتارتىبىن ورنالاستىرىپ بولعان. ول جانە قىتاي باسشىسى بۇل رەتكى كۇتىپ الۋعا ايرىقشا كوڭىل بولىپ وتىرعانىن دا جەتكىزدى.

سولتۇستىك كورەيانىڭ زىمىران سىناعى كوبەيگەن سايىن، يادرولىق سوعىس قاۋىپى ارتىپ، كورەي تۇبەگى قايشىلىعى شيەلەنىسە ءتۇستى. سولتۇستىك كورەيادان كەلەتىن زىمىران قاۋپىنەن الاڭداعان وڭتۇستىك كورەيا جاق اقش-تىڭ اۋە قورعانىس قۇرىلعىسىن كورەي تۇبەگىنە ورناتۋ شەشىمىن شىعارعان. بۇل قىتاي مەن وڭتۇستىك كورەيا اراسىنداعى ديپلوماتيالىق قارىم-قاتىناسقا سالقىنىن تيگىزىپ، ەكى ەل اراسىندا جاساسقان بىرقاتار كەلىسىمدەردىڭ بۇزىلعان ەدى. الداعى پرەزيدەنت ءمۇن ءجايننىڭ ساپارى ەكى ەل اراسىنداعى قارىم-قاتىناستى قايتا رەتتەۋدە ماڭىزى زور.

“The Qazaq Times”