ءۇندىستاننىڭ ۇشقىشسىز ۇشاعى قىتاي اۋە كەڭىستىگىندە اپاتقا ۇشىرادى - دەپ حابارلايدى ريا نوۆوستي اقپارات اگەنتتىگى.

باتىس قىتاي اسكەري وكرۋگىنىڭ رەسمي وكىلى چجان شۋيلي بولعان جاعدايعا بايلانىستى جەرگىلىكتى باق وكىلدەرىنە بەرگەن سۇحباتىندا: «ءۇندىستان قارۋلى كۇشتەرىنە تيەسىلى ۇشقىشسىز ۇشاق قىتاي اۋە كەڭىستىگىنە ءوتىپ، اپاتقا ۇشىرادى. بۇل ءۇندىستان تاراپىنىڭ قىتايدىڭ تەرريتوريالىق تۇتاستىعىنا نۇقسان كەلدىرۋى. ءبىز ءۇندىستاننىڭ بۇل ارەكەتىنە ءوز نارازىلىعىمىزدى بىلدىرەمىز» - دەگەن. ال ءۇندىستان تاراپى اتالمىش جاعدايعا بايلانىستى ەشقانداي مالىمدەمە جاساماعان.

ەستەرىڭىزگە سالايىق، سوڭعى رەت ەكى ەل اراسىنداعى اسكەري قاقتىعىس  شىلدە ايىندا بولعان. ول كەزدە قىتاي تاراپى ءۇندىستان جانە بۋتانمەن شەكتەسەتىن داۋلى دوكلام شەكارالىق ايماعىندا تاس جول قۇرىلىسىن باستاپ، بۋتان بيلىگىنىڭ نارازىلىعىنا تاپ بولعان. وسىدان كەيىن ءۇندىستان دوكلام ايماعىنا اسكەر كىرگىزىپ، تاس جول قۇرىلىسىن توقتاتقان.

“The Qazaq Times”