قىتايدىڭ جيلين پروۆينتسياسىنىڭ باسىلىمى تۇرعىندارىنا يادرولىق سوعىس تۋرالى ەسكەرتتى

قىتايدىڭ سولتۇستىك كورەيامەن شەكارالاساتىن پروۆينتسياسىنىڭ رەسمي باسىلىمدارى كۇشتى يادرولىق جارىلىس بولعان جاعدايدا نە ىستەۋ كەرەكتىگى تۋرالى كەڭەستەر بەرۋدە. بۇل تۋرالى «The New York Times» باسىلىمى حابارلادى.

اقش پەن وڭتۇستىك كورەيانىڭ بىرلەسكەن وقۋ جاتتىعۋى كەزىندە، سولتۇستىك كورەيامەن شەكارالاساتىن قىتايدىڭ جيلين پروۆينتسياسىنىڭ رەسمي باسىلىمى «جيلين رىباۋ» (Jilin Ribao/吉林日报) باسىلىمى ايماقتاعى تۇرعىندارعا يادرولىق جارىلىس بولعان جاعدايدا نە ىستەۋ كەرەكتىگى تۋرالى كەڭەستەر بەرۋدە.

وسىدان بۇرىن اقش پرەزيدەنتى سولتۇستىك كورەيا ءوزىنىڭ يادرولىق جانە زىمىران باعدارلامالارىنان باس تارتپايتىن بولسا، قاۋىپتىڭ الدىن الۋ شارالارىن جاسايتىنىن بىرنەشە رەت مالىمدەگەن بولاتىن. دەگەنمەن، ناقتى قانداي قادامدارعا باراتىنىن ايتپاعان. ءبىر اپتا بۇرىن گاۆايداعى «قىرعي قاباق سوعىسى» كەزىندەگى سوعىس ەسكەرتۋ جۇيەسى قالپىنا كەلتىرىلدى. بۇل جۇيەنىڭ قالپىنا كەلتىرىلۋى تۇرعىنداردى يادرولىق سوعىس قاۋپىنەن الاڭداتۋدا.

«Jilin Ribao» باسىلىمى جاريالانعان ماقالادا راديواكتيۆتى لاستانۋدىڭ اسەرىن ازايتۋدىڭ ءارتۇرلى جولدارىن قاراستىرادى. وندا وسىعان دەيىنگى راديواكتيۆتى لاستانۋدان ساقتانۋ تۋرالى اقش-تاعى جانە وزگە ەلدەردەگى تاجىريبەلەردى دە العا تارتقان. راديواكتيۆتى ساۋلەلەر مەن شاڭنان قورعاناتىن كيىمدەردى كيۋ جانە زالالسىزداندىرۋ جولدارى دا تۇسىندىرىلگەن.

سولتۇستىك كورەيا مەن اقش جانە ونىڭ وداقتاس ەلدەرى اراسىنداعى اسكەري ارەكەتتەر مەن ءتۇرلى شارالاردىڭ سالماعى ارتقان سايىن، وڭىردەگى تۇرعىندار تۋىلۋى مۇمكىن يادرولىق سوعىستىڭ قاۋىپىنە الاڭداۋشىلىق بىلدىرگەن.

“The Qazaq Times”