فوتو: فوتو: Clive Rose / Getty Images

رەسەيلىك سپورتشىلار وڭتۇستىك كورەيانىڭ پحەنچحان قالاسىندا وتەتىن وليمپياداعا بەيتاراپ قاتىسا الادى. ياعني ولار وليمپيادا كەزىندە رەسەيدىڭ تۋىن الىپ شىعا المايدى جانە ءانۇران ورىندالمايدى. ال ەل پرەزيدەنتى ۆلاديمير پۋتين بولسا سپورتشىلاردىڭ بەيتاراپ قاتىسۋىنا ەش كەدەرگى جوق ەكەنىن ايتادى. 

ء"بىز ەشقانداي نارازىلىق جاريالامايمىز، وليمپيادا ويىنشىلارى جەكە ويىنشى رەتىندە قاتىسقىسى كەلسە ءبىز ولارعا ەشقانداي قارسىلىق تانىتپايمىز", - دەپ مالىمدەدى ول گوركوۆسكي اۆتوزاۋىتىنىڭ جۇمىسشىلارىمەن كەزدەسۋ كەزىندە.

ايتا كەتەيىك، كەشە حالىقارالىق وليمپيادا كوميتەتى رەسەيدى 2018 جىلى پحەنچحاندا وتەتىن قىسقى وليمپيادا ويىندارىنا قاتىستىرماۋ تۋرالى شەشىم قابىلدادى.  حالىقارالىق وليمپيادا كوميتەتىنىڭ توراعاسى توماس باح باستاعان كەڭەس مالىمەتىنشە، ولار شۆەيتساريانىڭ بۇرىنعى پرەزيدەنتى سامۋەل شميدت جەتەكشىلىك ەتكەن 2014 جىلى سوچيدە وتكەن وليمپيادا ويىندارىنداعى دوپينگ داۋىنا بايلانىستى 17 ايعا سوزىلعان زەرتتەۋدىڭ ناتيجەلەرىنە  سۇيەنىپ، وسىنداي قورىتىندىعا كەلگەن.

 “The Qazaq Times”