فوتو: GoPutin.ru

ۆلاديمير پۋتين 2018 جىلى وتەتىن پرەزيدەنت سايلاۋىنا قاتىساتىنىن مالىمدەدى.

ۆلاديمير پۋتين گاز كولىك زاۋىتىنىڭ قىزمەتكەرلەرىمەن كەزدەسۋدە الدا كەلە جاتقان پرەزيدەنت سايلاۋى جايىندا پىكىر بىلدىرگەن. ول وندا: «مەن پرەزيدەنت سايلاۋىنا ءوز كانديداتۋرامدى ۇسىنامىن. مەنى قولداعاندارىڭىز ءۇشىن راحمەت. رەسەي تەك قانا العا جۇرەدى. ونى ەشكىم، ەشۋاقىتتا توقتاتا المايدى» - دەگەن.

ۆلاديمير پۋتين 2000 جىلدان بەرى پرەزيدەنتتىك كرەسلونى ەشكىمگە بەرمەي كەلەدى. ول تەك 2008- 2012 جىلدار ارالىعىندا ءوزىنىڭ ساياسي سەرىگى دميتري مەدۆەدەۆكە جىلى ورنىن قىسقا ۋاقىتقا بوساتقان. قازىرگى تاڭدا 2018 جىلى وتەتىن پرەزيدەنت سايلاۋىنا پۋتيننەن بولەك، لدپر پارتياسىنىڭ جەتەكشىسى ۆلاديمير جيرينوۆسكي، تەلەجۇرگىزۋشى كسەنيا سوبچاك جانە جۋرناليست ەكاتەرينا گوردون ءوز كانديداتۋرالارىن ۇسىنعان.

“The Qazaq Times”