يەمەندەگى قارۋلى توپتار. فوتو: راديو سۆوبودا.

يەمەننىڭ بۇرىنعى باسشىسى ءارى حالىق كونگرەسىنىڭ توراعاسى الي ابدۋللاح ساليحتىڭ ولتىرىلگەنى راستالدى. ەلدىڭ بۇرىنعى باسشىسىنىڭ كولىك كەرۋەنى سول ەلدەگى قارۋلى بەلسەندىلەر جاعىنان شابۋىلعا ۇشىراپ، الي ابدۋللاح ساليحقا 30-دان استام وق ءتيىپ ولگەن. بۇل تۋرالى «شينلاڭ» اقپاراتتىق سايتى حابارلادى.

ءبىر كۇن بۇرىن حالىق كونگرەسىنىڭ وكىلدەرىنىڭ ءبىرى اتالعان مالىمەتتى راستاعان، ءارى ساليحتىڭ حوۋسيت قارۋلى توپتارى جاعىنان ولتىرىلگەنىن مالىمدەدى. سول كۇنى تاڭەرتەڭ قارۋلى توپ ساليحتىڭ ۇيىنە باسىپ كىرىپ، قارۋلار مەن زاتتاردى توناعان، كەيىن ءۇيدى بومبامەن جارىپ جىبەرگەن. ساليحتى ۇيىنەن تابا الماعان قارۋلى توپ، ونى سانا قالاسىنىڭ وڭتۇستىگىنەن 40 شاقىرىم قاشىقتىقتاعى تۋعان اۋىلىنا بارا جاتقان جولدا ول وتىرعان كولىك كەرۋەنىن توقتاتادى. جانىنداعى ادامدارمەن بىرگە ساليحتى اتىپ ولتىرگەن.

الي ابدۋللاح ساليح يەمەندە 1978 جىلدان 2012 جىلعا دەيىن بيلىك جۇرگىزدى. حوۋسيتتەر ساليحپەن ءۇش جىل وداقتاس بولعان. 2015 جىلى حوۋسيتتەر ەلدىڭ بيلىك تىزگىنىن قولعا العان. الي ابدۋللاح ساليحتى ساۋدا ارابياسىمەن كەلىسكەنى ءۇشىن ولتىرگەن.

“The Qazaq Times”