فوتو: RT

بىرىككەن ۇلتتار ۇيىمىنىڭ ادام قۇقىقتارى جونىندەگى كەڭەسى ميانماعا بايلانىستى قارار قابىلدادى.

قارار بويىنشا، ميانما بيلىگى روحيندجا مۇسىلماندارىن ەلگە قايتارىپ، بولعان جاعدايعا بايلانىستى جۇرگىزىلەتىن تەكسەرۋ جۇمىستارىنا كەدەرگى جاساماۋى ءتيىس. اتالمىش قاراردى 33 مەملەكەت قولداعان. قالعان 9 مەملەكەت قالىس قالىپ، 3 ەل قارسى شىققان.

ەستەرىڭىزگە سالايىق، ميانما بيلىگى تامىز ايىندا ەلدەگى روحيندجا مۇسىلماندارىنا قىسىم كورسەتكەن. كەيىننەن ميانما بيلىگىنىڭ بۇل ارەكەتىن مۇسىلمان الەمى قاتاڭ سىنعا الىپ، «روحيندجا حالقىنا جاسالعان گەنوتسيد» دەگەن باعا بەرگەن بولاتىن.

“The Qazaq Times”