فوتو: Valentyn Ogirenko/Reuters

كيەۆ قالاسىندا گرۋزيانىڭ ەكس-پرەزيدەنتى، ودەسسا وبلىسىنىڭ بۇرىنعى گۋبەرناتورى ميحايل سااكاشۆيلي ۇستالدى.

«سترانا» اقپارات كوزىنىڭ مالىمەتىنشە، سااكاشۆيليدى ۇستاۋ بارىسىندا ونىڭ ءۇيىنىڭ الدىندا ءتارتىپ ساقشىلارى مەن ساياساتكەر جاقتاستارى اراسىندا قاقتىعىس بولعان. سااكاشۆيليدىڭ ءوزى ءوزىنىڭ تۇتقىندالۋىن "رەسەي پرەزيدەنتى ۆلاديمير ءپۋتيننىڭ تاپسىرىسى" دەپ مالىمدەگەن. ازىرگە ونىڭ نە سەبەپتى ۇستالعاندىعى جايىندا ەشقانداي رەسمي مالىمدەمە جاسالماعان. جەرگىلىكتى باق وكىلدەرىنىڭ مالىمەتى بويىنشا، سااكاشۆيليدى جاقىندا ەل پرەزيدەنتى پەتر پوروشەنكوعا قارسى وتكىزگەن شەرۋدى ۋكراينانىڭ بۇرىنعى پرەزيدەنتى ۆيكتور يانۋكوۆيچتىڭ قارجىسىنا ۇيىمداستىردى دەگەن كۇدىكپەن ۇستاعان.

ەستەرىڭىزگە سالايىق، جەلتوقسان ايىنىڭ 3-ءى كۇنى ميحايل سااكاشۆيلي جاقتاستارىمەن بىرگە كيەۆ قالاسىندا پەتر پوروشەنكوعا قارسى شەرۋ وتكىزگەن. شەرۋگە قاتىسۋشىلار پوروشەنكونىڭ وتستاۆكاعا كەتۋىن تالاپ ەتكەن بولاتىن.

“The Qazaq Times”