وتكەن جىلدىڭ اياعىندا، ءشولدالادا 1979 جىلدان كەيىن العاش رەت قار جاۋعان. الجيرلىك فوتوگراف كاريم بۋشاتەتتەن كەيىن، وسى سيرەك كەزدەسەتىن قۇبىلىستىڭ كادرلارىمەن بريتاندىق دجەف روبينسون ءبولىستى. بۇل تۋرالى Naked-science حابارلايدى.
2016 جىلدىڭ 9 جەلتوقسان كۇنى – اين-سەفر قالاسىنىڭ تۇرعىندارى ءۇشىن اتاۋلى كۇن بولدى. قار جاۋعاننان كەيىن ساحارانىڭ قۇمدى توبەلەرى قۇددى قارلى باس كيىم كيگەندەي تۇسكە ەندى. قازىر جەرگىلىكتى تۇرعىندار ونى «قانتتى» ساحارا دەپ اتاپ جۇر.
جەرگىلىكتى فوتوگراف كاريم بۋشاتەت – قار جاۋعاننان كەيىنگى سۋرەتتەردى جاريالاعان العاشقى ادام. الايدا ءبىر اي وتكەننەن كەيىن جەلىلەردە قارلى ساحارانىڭ ساپالى سۋرەتتەرى شىعا باستادى. ول سۋرەتتەردىڭ يەسى – لوندوننىڭ فوتوگرافى دجەف روبينسون.
بۇل وڭىردە وسىنداي قار سوڭعى رەت 1979 جىلدىڭ اقپان ايىندا جاۋعان. ول كەزدە دە، جارتى ساعاتتىق قارلى بوراننان كەيىن قۇمدى ايماقتى ءدال وسىلاي قار باسقان.
اين-سەفر قالاسىن «ءشول دالا قاقپاسى» دەپ اتايدى. ول ساحارانىڭ سولتۇستىك بولىگىندە ورنالاسقان. قىسقى تەمپەراتۋرا شامامەن 0 °C, رەكوردتىق كورسەتكىش -10 -نان +15 °C ارالىعىن كورسەتەدى.
"The Qazaq Times"
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
"24+1". قاندى قاڭتاردىڭ ونلاين & وفلاين سوتتارى قالاي ءوتىپ جاتىر؟
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى