اقش-تا تۇرىك بانكيردىڭ سوتىندا جەرلەسى قارسى كۋالىك ەتپەك

اقش-تا تۇركيالىق بانكير اتيللانىڭ ۇستىنەن سوت وتىرىسى وتۋدە. اتيللاعا  يراندىق كومپانيالاردى اقش-تىڭ سانكتسيالارىنان قۇتقارۋعا كومەكتەسۋ ءۇشىن زارراب جانە تاعى جەتى اداممەن كەلىسىم جاسادى دەگەن ايىپ تاعىلعان. ادۆوكاتتاردىڭ ايتۋىنشا، سەيسەنبى كۇنگى سوت وتىرىسىندا تۇرىك ماگناتى رەزا زارراب اقش ۇكىمەتىمەن سەلبەسىپ، كۋالىك بەرەتىن بولىپ كەلىسكەن.  زارراب وسىدان بۇرىن نيۋ-يورك پروكۋرورلارى جاعىنان اقش-تۇركيا اراسىنداعى شيەلەنىسكە قاتىستى دەپ ايىپتالعان. بۇل تۋرالى «WSJ» باسىلىمى حابارلادى.

مانحەتتەن فەدەرالدىق سوتىندا تۇرىك بانكيرى مەحمەت حاكان اتيللانىڭ سوت پروتسەسى وتەردەن بۇرىن، ادۆوكاتتار كۋاگەر رەتىندە رەزا زاررابتىڭ اتىن اتادى. دەگەنمەن، قورعاۋشى ادۆوكاتتار سوت پروتسەسىن ەكى اپتاعا كەشىكتىرۋدى سۇرادى. سەبەبى دۇيسەنبى كۇنى كەشتە پروكۋرورلاردان اقش ۇكىمەتىنە قاتىستى 10 مىڭ بەتتەن اساتىن ماتەريالداردى العاندىقتان، بۇلاردى سوت وتىرىسىنا دايىنداۋ ءۇشىن جەتەرلىك ۋاقىتتى تالاپ ەتىپ وتىر.

مالىمەتتەرگە قاراعاندا، سوت وتىرىسىندا پروكۋرورلار زاببەردىڭ وزىنە تاعىلعان ايىپتى مويىنداعانىن، سەيسەنبى كۇنى تۇستەن كەيىن كۋالىك بەرۋىنە بولاتىنىن العا تارتقان.

ايتا كەتەيىك، اتيللا وسىدان بۇرىن وزىنە تاعىلعان ايىپتى جوققا شىعارعان ەدى.

“The Qazaq Times”