«اتامەكەن» قر ۇلتتىق كاسىپكەرلەر پالاتاسى قر قارجى مينيسترلىگى مەملەكەتتىك كىرىستەر كوميتەتىمەن بىرلەسىپ، تەرى بۇيىمدارىن تاڭبالاۋ جۇيەسى جوباسىن ىسكە قوسۋ جايىندا حابارلاپ، تانىستىرىلىمىن جاسادى، دەپ حابارلايدى ۇكپ ءباسپاسوز قىزمەتى.  

شاراعا «اتامەكەن» قر ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى دانا ءجۇنىسوۆا جانە قر قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى ارعىن قىپشاقوۆ، سونىمەن قاتار بيزنەستىڭ وكىلدەرى مەن ۇيىمدار قاتىستى.

«2 جىل بۇرىن ەۋرازيالىق ەكونوميكالىق وداق اياسىندا تەرى تاڭبالاۋعا سايكەس كەلىسىمگە قول قويىلعان بولاتىن. وسى ۋاقىت ارالىعىندا كاسىپكەرلەرگە كۇردەلى ءتۇسىندىرۋ جۇمىستارى جۇرگىزىلىپ، قر قم مەملەكەتتىك كىرىستەر كوميتەتىمەن بىرلەسىپ ءتۇرلى سەمينارلار وتكىزىلدى. ءبىز پيلوتتىق جوبانى جاساۋدى ۇسىنىپ، تەرى بۇيىمدارى كاتەگوريالارىن تاڭدادىق. تاڭبالاۋ قۇنى قىمبات ەمەس، قۇن باقىلاۋ (سايكەستەندىرۋ) تاڭبالارى جۇيەسىندە بەكىتىلگەن. تەرى قالدىقتارى بار كاسىپكەرلەر جوبا ىسكە قوسىلعان ۋاقىتتان باستاپ كۇنتىزبەلىك 90 كۇن ىشىندە  ال  يمپورتتاۋشىلار – ەركىن اينالىمعا تاۋارلاردى شىعارعان كۇننەن باستاپ كۇنتىزبەلىك 30 كۇننىڭ ىشىندە تاڭبالاۋدى جۇرگىزۋى ءتيىس. تاڭبالاۋ 3 تۇردەن تۇرادى: قيسىق، اسپالى جانە تىگىلمەلى. بۇل پروتسەدۋرالار قورعانۋدىڭ، ياعني جاساندى تاۋارلاردان قورعانۋدىڭ جوعارى دارەجەسى»، – دەدى دانا ءجۇنىسوۆا.

جوبا ازىرلەۋشى كومپانيا وكىلدەرى تاڭبالاۋ ۇدەرىسىن ەگجەي-تەگجەيلى ءتۇسىندىردى.

تاڭبالاۋدى جۇرگىزۋ ءۇشىن ەڭ الدىمەن شارتقا وتىرۋ كەرەك جانە GS1 Kazakhstan قاۋىمداستىعىندا GTIN ءنومىرىن الۋ كەرەك. كەيىننەن ەكىنشى دەڭگەيدەگى ەميتەنتكە (باقىلاۋ بەلگىسىنە تاۋار تۋرالى اقپاراتتى ەنگىزەتىن كومپانيا) جۇگىنۋ قاجەت. ونىڭ مىندەتىنە باقىلاۋ (سايكەستەندىرۋ) بەلگىلەرىنىڭ دەربەستىلىگى كىرەدى. ۇدەرىس بارىنشا اشىق، egov.kz ارقىلى جۇزەگە اسادى.

وسى رەتتە كاسىپكەر، تەرى بۇيىمدارىن ساتۋعا، ونىڭ ىشىندە كوتەرمە ساۋدا ساتۋشىلارىنان سوڭعى وتكىزۋشىلەردىڭ تەرى بۇيىمدارىن قايتا ساتۋى كەزىندە تەك ولارعا باقىلاۋ بەلگىلەرىن قويعاننان كەيىن شىعارا الادى.

«كاسىپكەرلەر ەڭ الدىمەن جانە GS1 Kazakhstan قاۋىمداستىعىمەن كەلىسىم-شارت جاساۋى كەرەك. باستاپقىدا ءبىز وسى كومپانيامەن كەلىسىم بار كاسىپكەرلەرمەن جۇمىس ىستەدىك. ءتۇرلى سۇراقتار ەرتەڭنەن باستاپ پايدا بولادى دەپ ويلايدى. ءبىز جوبانى ازىرلەگەندە كاسىپكەرلەرگە بارىنشا تۇسىنىكتى ءارى ىڭعايلى جولداردى قاراستىردىق. سوندىقتان كەز كەلگەن كاسىپكەر وڭاي ءونىمىن تاڭبالاي الادى دەپ ويلايمىز. پيلوتتىق جوبانىڭ جۇزەگە اسۋى ءبىزدىڭ قانشالىقتى مىندەتتى ورىنداعانىمىزدى كورسەتەدى. ەگەر پيلوتى جۇزەگە اسىرۋ بارىسىندا كاسىپكەرلەر تاراپىنان بەلگىلى ءبىر سۇراقتار تۋىنداماسا، بۇل ەشكىمنىڭ جۇمىس ىستەمەيتىنىن نەمەسە بارلىعى ءمىنسىز جاسالعانىن بىلدىرەدى، ال مۇنداي ناتيجە بولمايتىنى انىق. سوندىقتار ءتۇرلى سۇراقتار بولادى، جەتىلدىرەمىز، كاسىپكەرلەر «اتامەكەن» قر ۇكپ، قر قم مكك، تاپسىرىس بەرىشۋلەرىمىزدىڭ ۇسىنىستارىنا قۇلاق تۇرەمىز. بۇل جوبا سەرۆيستىك مودەل نەگىزىندە ازىرلەندى، «زەردە» كومپانياسى ءبىزدى بايقاۋ نەگىزىندە تاڭدادى»، – دەدى جوبانى ازىرلەۋشى كومپانيا وكىلى بەيبىت قازكەنوۆ.

تەرى بۇيىمدارىن تاڭبالاۋ پروتسەدۋراسى ادال باسەكەلەستىك، نارىقتى زاڭسىز ساتىلىمنان قورعاۋ، زياتكەرلىك مەنشىك  قۇقىعىن ساقتاۋ، كولەڭكەلى ەكونوميكا كولەمىن قىسقارتۋ جانە بيۋدجەتكە سالىق تۇسىمدەرىن كوبەيتۋگە باعىتتالعان، سونداي-اق، تۇتىنۋشى ساتىپ الىپ جاتقان تاۋاردىڭ شىعۋ تەگى جايىندا تولىقاقپارات الىپ، كونترافاكتىدەن ساقتانادى.

«باعا ساياساتى بويىنشا پيلوت بويىنشا تەرى بۇيىمدارىنا 400 تەڭگە قۇن بەلگىلەندى. ارى قاراي تاڭبالاۋعا جاتاتىن تاۋارلار تىزبەسىن ۇلعايتۋ كوزدەلگەن.  جۇيە تەستىلەۋ رەجيمىندە جاسالعان، ەندى تەك قاجەتتى وپرەاتسيالاردى ەستە ساقتاۋ كەرەك. كەلەسى جىلدىڭ قاعتار-اقپان ايلارىندا ءتيىستى وقىتۋ جۇرگىزەمىز. پيلوتتىق جوبا اياسىندا تاۋارىن تاڭبالاماعاندار ءۇشىن ەشقانداي سانكتسيا قاراستىرىلماعان. ەاەو-عا مۇشە مەملەكەتتەر پيلوت قورىتىندىسىنا تالداۋ جاساپ، تەرىس جانە وڭ سەرپىنىن انىقتاپ، ارى قاراي شارا ءوولدانۋى كەرەك»،– دەدى ارعىن قىپشاقوۆ.

بۇل جوباس ىسكە اسسا، رەسەي مەن بەلورۋس مەملەكەتتەرى نەگىزىندە ءدارى-دارمەك جانە زەرگەرلىك بۇيىمداردى تاڭبالاۋ قولعا الۋ ۇسىنىلۋدا.

“The Qazaq Times”