«Atameken» QR Wlttıq käsipkerler palatası QR Qarjı ministrligi Memlekettik kirister komitetimen birlesip, teri bwyımdarın tañbalau jüyesi jobasın iske qosu jayında habarlap, tanıstırılımın jasadı, dep habarlaydı WKP baspasöz qızmeti.  

Şarağa «Atameken» QR Wlttıq käsipkerler palatası Basqarma Törağasınıñ orınbasarı Dana Jünisova jäne QR Qarjı ministrligi Memlekettik kirister komiteti törağasınıñ orınbasarı Arğın Qıpşaqov, sonımen qatar biznestiñ ökilderi men wyımdar qatıstı.

«2 jıl bwrın Euraziyalıq ekonomikalıq odaq ayasında teri tañbalauğa säykes kelisimge qol qoyılğan bolatın. Osı uaqıt aralığında käsipkerlerge kürdeli tüsindiru jwmıstarı jürgizilip, QR QM Memlekettik kirister komitetimen birlesip türli seminarlar ötkizildi. Biz pilottıq jobanı jasaudı wsınıp, teri bwyımdarı kategoriyaların tañdadıq. Tañbalau qwnı qımbat emes, qwn baqılau (säykestendiru) tañbaları jüyesinde bekitilgen. Teri qaldıqtarı bar käsipkerler joba iske qosılğan uaqıttan bastap küntizbelik 90 kün işinde  al  importtauşılar – erkin aynalımğa tauarlardı şığarğan künnen bastap küntizbelik 30 künniñ işinde tañbalaudı jürgizui tiis. Tañbalau 3 türden twradı: qisıq, aspalı jäne tigilmeli. Bwl proceduralar qorğanudıñ, yağni jasandı tauarlardan qorğanudıñ joğarı därejesi», – dedi Dana Jünisova.

Joba äzirleuşi kompaniya ökilderi tañbalau üderisin egjey-tegjeyli tüsindirdi.

Tañbalaudı jürgizu üşin eñ aldımen şartqa otıru kerek jäne GS1 Kazakhstan Qauımdastığında GTIN nömirin alu kerek. Keyinnen ekinşi deñgeydegi emitentke (baqılau belgisine tauar turalı aqparattı engizetin kompaniya) jüginu qajet. Onıñ mindetine baqılau (säykestendiru) belgileriniñ derbestiligi kiredi. Üderis barınşa aşıq, egov.kz arqılı jüzege asadı.

Osı rette käsipker, teri bwyımdarın satuğa, onıñ işinde köterme sauda satuşılarınan soñğı ötkizuşilerdiñ teri bwyımdarın qayta satuı kezinde tek olarğa baqılau belgilerin qoyğannan keyin şığara aladı.

«Käsipkerler eñ aldımen jäne GS1 Kazakhstan Qauımdastığımen kelisim-şart jasauı kerek. Bastapqıda biz osı kompaniyamen kelisim bar käsipkerlermen jwmıs istedik. Türli swraqtar erteñnen bastap payda boladı dep oylaydı. Biz jobanı äzirlegende käsipkerlerge barınşa tüsinikti äri ıñğaylı joldardı qarastırdıq. Sondıqtan kez kelgen käsipker oñay önimin tañbalay aladı dep oylaymız. Pilottıq jobanıñ jüzege asuı bizdiñ qanşalıqtı mindetti orındağanımızdı körsetedi. Eger pilotı jüzege asıru barısında käsipkerler tarapınan belgili bir swraqtar tuındamasa, bwl eşkimniñ jwmıs istemeytinin nemese barlığı minsiz jasalğanın bildiredi, al mwnday nätije bolmaytını anıq. Sondıqtar türli swraqtar boladı, jetildiremiz, käsipkerler «Atameken» QR WKP, QR QM MKK, tapsırıs berişulerimizdiñ wsınıstarına qwlaq türemiz. Bwl joba servistik model' negizinde äzirlendi, «Zerde» kompaniyası bizdi bayqau negizinde tañdadı», – dedi jobanı äzirleuşi kompaniya ökili Beybit Qazkenov.

Teri bwyımdarın tañbalau procedurası adal bäsekelestik, narıqtı zañsız satılımnan qorğau, ziyatkerlik menşik  qwqığın saqtau, köleñkeli ekonomika kölemin qısqartu jäne byudjetke salıq tüsimderin köbeytuge bağıttalğan, sonday-aq, twtınuşı satıp alıp jatqan tauardıñ şığu tegi jayında tolıqaqparat alıp, kontrafaktiden saqtanadı.

«Bağa sayasatı boyınşa pilot boyınşa teri bwyımdarına 400 teñge qwn belgilendi. Arı qaray tañbalauğa jatatın tauarlar tizbesin wlğaytu közdelgen.  jüye testileu rejiminde jasalğan, endi tek qajetti opreaciyalardı este saqtau kerek. Kelesi jıldıñ qağtar-aqpan aylarında tiisti oqıtu jürgizemiz. Pilottıq joba ayasında tauarın tañbalamağandar üşin eşqanday sankciya qarastırılmağan. EAEO-ğa müşe memleketter pilot qorıtındısına taldau jasap, teris jäne oñ serpinin anıqtap, arı qaray şara öoldanuı kerek»,– dedi Arğın Qıpşaqov.

Bwl jobas iske assa, Resey men Belorus' memleketteri negizinde däri-därmek jäne zergerlik bwyımdardı tañbalau qolğa alu wsınıluda.

“The Qazaq Times”