جاسى ۇلكەن جۇمىسشىلاردى جۇمىسقا الۋ ازايعان

قازاقستاندىق جۇمىس بەرۋشىلەر جاسى ۇلكەن جۇمىسشىلاردى قىزمەتكە الۋدى ازايتقان. وسى جىلى جاسى 55-64 جاس ارالىعىنداعى جۇمىسسىزداردىڭ سانى 3 توقساننىڭ قورىتىندىسى بويىنشا 6,5% بولعان. نەگىزى بۇعان دەيىن جاسى ۇلكەن جۇمىسسىزداردىڭ سانى 5%-دان اسىپ كورمەگەن. بىلتىرعى جىلى كورسەتكىش 4,5%-دى قۇراعان. 

سونىمەن finprom.kz ساراپتاما اگەنتتىگىنىڭ مالىمەتىنشە، ۇلتتىق ەڭبەك نارىعىندا جاسى ۇلكەن جۇمىسسىزداردىڭ سانى 29-34 جاس ارالىعىنداعىلارعا قاراعاندا باسىم بولىپ وتىر. ال جۇمىسسىز جۇرگەن جاستاردىڭ كورسەتكىشى 2016 جىلدان بەرى 6,6%-دان 6,1%-عا دەيىن تومەندەگەن.

زەينەت جاسىنا جەتىپ قالعان قازاقستاندىقتاردىڭ اراسىندا ەرلەردىڭ دە ايەلدەردىڭ دە سانى بىردەن ارتىپ كەتكەن. مىسالى وسى جىلى 55-64 جاس ارالىعىنداعى جۇمىسسىز ەرلەردىڭ سانى بىردەن  9,6 مىڭ ادامعا نەمەسە 44%-عا وسسە، ءدال وسى جاستاعى ايەلدەردىڭ ۇلەسى ا 8,4 مىڭعا نەمەسە 53,4%-عا وسكەن.

بۇرىنعى ستاتيستيكا بويىنشا، نەگىزى جۇمىسسىز ايەلدەردىڭ ۇلەسى ەرلەرگە قاراعاندا جوعارى بولعان. الايدا سوڭعى ەكى جىلدا كەرىسىنشە، جۇمىسسىز ەرلەردىڭ سانى باسىم بولا باستاعان.

“The Qazaq Times”