ارمەنيا پارلامەنتى ەاەو-دان شىعۋعا بايلانىستى زاڭ جوباسىن تالقىلادى

ارمەنيا پارلامەنتىندە ەۋرازيالىق ەكونوميكالىق وداقتان شىعۋعا بايلانىستى زاڭ جوباسى تالقىلاندى – دەپ حابارلايدى Tert.am ونلاين-گازەتى.

Tert.am مالىمەتىنشە، زاڭ جوباسىن «ەلك» فراكتسياسى ۇسىنعان. ۇسىنىلعان جوباعا بايلانىستى فراكتسيا مۇشەسى ەدمون مارۋكيان دەپۋتاتتار الدىنا سويلەگەن سوزىندە: «ارمەنيا ەاەو-عا مۇشە بولىپ كىرگەننەن بەرى ەلدىڭ الەۋمەتتىك-ەكونوميكالىق سالالارى العا ىلگەرلەۋدىڭ ورىنىنا كەرسىنشە، قۇلدىراۋدا. ونىڭ ۇستىنە ەۋرازيالىق ەكونميكالىق وداق اياسىنداعى ارىپتەسىمىز رەسەي جىل وتكەن سايىن ءازىربايجاندى سوڭعى ۇلگىدەگى قارۋ-جاراقپەن قامتاماسىز ەتۋىن توقتاتار ەمەس. ارمەنيا ەاەو-دان شىعىپ، ءوزىنىڭ ساياسي جولىن تاڭداۋى ءتيىس. بۇدان بولەك ءبىز ەاەو زاڭدارى بويىنشا، وزگە ەلدەرمەن ساۋدا-ساتتىق تا جۇرگىزە الماي وتىرمىز. ءبىز ۇزدىكسىز قارۋ-جاراق ساتىپ الۋعا بايلانىستى نەسيە كەلىسىمدەرىن ۇنەمى جاساي المايمىز. ەكونوميكانى دامىتپاي ول نەسيەلەردى ەرتەڭ قايتارا المايمىز. ارمانياعا ەۋروپا ەلدەرىمەن ەكونوميكالىق بايلانىس ورناتۋ كەرەك» - دەگەن.

ەستەرىڭىزگە سالايىق، بۇدان بولەك قازىرگى تاڭدا ەۋرازيالىق ەكونوميكالىق وداققا مۇشە قازاقستان مەن قىرعىزستان اراسىنداعى داۋدا  شەشىمىن تاپپاي تۇر. جالپى ەاەو قۇرىلعالى بەرى باسىنان داۋ ارىلعان ەمەس. بىرەسە رەسەي مەن بەلارۋس، بىرەسە قازاقستان مەن قىرعىزستان، ەندى مىنە ارمەنيا وداق اياسىنداعى شارتتارعا كوڭىلى تولماي شۋ شىعارۋدا.

“The Qazaq Times”