فوتو: Knews.kg

قىرعىزستاننىڭ سۋ جاڭا پرەزيدەنتى سوورونباي جەەنبەكوۆ قىرعىز ەلىنىڭ باستى وداقتاستارىن اتادى.

سوورونباي جەەنبەكوۆ رەسەيلىك تاسس اقپارات اگەنتتىگىنە بەرگەن سۇحباتىندا قىرعىزستاننىڭ الداعى ۋاقىتتا سىرتقى ساياساتتا كىممەن ارىپتەستىكتى كۇشەيتەتىنىن ايتقان. ول وندا: «ءبىز الداعى ۋاقىتتا رەسەيمەن وداقتاستىعىمىزدى ودان ارى دامىتاتىن بولامىز. ال قىتاي ءبىزدىڭ باستى ساۋدا-ەكونوميكالىق سەرىكتەسىمىز بولىپ قالا بەرەدى. بۇدان بولەك ءبىز ورتالىق ازياداعى كورشىلەرىمىزبەن دە قارىم-قاتىناسىمىزدى جاقسارتاتىن بولامىز. ول ءۇشىن بىزگە ءبىر-ءبىرىمىزدىڭ ىسىمىزگە ارالاسپايتىن، ەكى جاقتىق سىيلاستىققا قۇرىلعان ساياسات ۇستانۋ قاجەت» -دەگەن.

ەستەرىڭىزگە سالايىق، سوورونباي جەەنبەكوۆ رەسمي تۇردە پرەزيدەنتتىك قىزمەتىنە قاراشا ايىنىڭ 24-ءى كۇنى كىرىسكەن بولاتىن. ءدال وسى كۇنى ول قىرعىز حالقى الدىندا انت قابىلداعاننان كەيىن, قىرعىزستاندى التى جىل باسقارعان المازبەك اتامباەۆتىڭ وكىلەتتىك مەرزىمى اياقتالعان.

“The Qazaq Times”